19 Tetor 2021

OSBE organizon konferencë për fuqizimin e rinisë së Kosovës

Prishtinë, 14 prill - Ministria e Kulturës, Rinisë dhe Sporteve dhe Misioni i OSBE-së do të organizojnë nesër një konferencë për rininë duke mbledhur bashkë të gjithë faktorët relevantë lokalë dhe ndërkombëtarë.

Konferenca, “Pjesëmarrja e rinisë: Rruga përpara – sfidat dhe mundësitë”, ka për qëllim përforcimin e bashkëpunimit mes rinisë dhe institucioneve qeveritare, shoqërisë civile, dhe organizatave donatore, në drejtim të ngritjes së pjesëmarrjes së rinisë në procesin e vendim-marrjes.

 Aty po ashtu do të paraqitet një pasqyrë e aktiviteteve të përzgjedhura të OSBE-së në agjendën e vet për rininë për vitin 2011.

Gjatë kësaj ngjarje, pjesëmarrësit do të diskutojnë për kornizën rregullative të zbatueshme, themelimin e Këshillit Qendror për Veprim Rinor, dhe rolin e mediave në promovimin e aktiviteteve rinore, arsim, përfshirje dhe pjesëmarrje.

Në fund të secilit sesion të grupit punues do të prezantohen gjetjet dhe rekomandimet që do të publikohen në një raport pas konferencës.

Fjalimet hyrëse do të mbahen nga Ambasadori Werner Almhofer, Shef i Misionit të OSBE-së në Kosovë; Memli Krasniqi, Ministër i Kulturës, Rinisë dhe Sporteve; Armend Zemaj, Deputet i Kuvendit të Kosovës dhe anëtar i Grupit Jo-Formal Parlamentar për Rini; dhe Günter Grzybek, udhëheqës i Programit për Fuqizim dhe Zhvillim të Rinisë në Agjencinë Gjermane për Bashkëpunim Ndërkombëtar (GIZ) .

 .

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)