19 Tetor 2021

Një pasaportë për gjithë shqiptarët

Prishtinë, 15 korrik - Aleanca Kuq e Zi do të promovojë sot në Prishtinë, nismën “një komb një pasaportë”, e cila synon ndërgjegjësimin e opinionit publik për domosdoshmërinë e pajisjes me pasaportë shqiptare të çdo shtetasi me kombësi shqiptare.

“Çdo qytetari me origjinë shqiptare duhet t\'i njihet automatikisht e drejta e pasaportës shqiptare, dhe këtë e ka detyrim shteti amë, e ka Shqipëria, për t’i garantuar këtë të drejt. Ky standard aplikohet në gjithë rajonin”, është ideja e nënkryetarit të Këshillit të Lartë të Drejtësisë, Kreshnik Spahiu.

Spahiu vlerëson se kjo ide mund të realizohet me një konsensus në Kuvendin e Shqipërisë, pra një shumicë e cilësuar që të bëhen ndryshimet në dispozitën e ligjit për shtetësinë shqiptare.

Promovimi i kësaj nisme në Prishtinë nga Aleanca Kuq e Zi, do të bëhet në një tryezë të rrumbullakët me intelektualë, akademikë, historianë, përfaqësues të Aleancës Kuq e Zi nga Tirana dhe Prishtina, të premten, më 15 korrik nga ora 10:00, në Hotel Prishtina

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)