06 Gusht 2021

Ministri Hyseni takon Ministrin e Mbrojtjes të Estonisë

Prishtinë, 9 shkurt - Ministri i Punëve të Jashtme i Republikës së Kosovës, z. Skender Hyseni, është takuar sot me Ministrin e Mbrojtjes të Estonisë, Jaak Aaviksoo.

Ne këtë rast, Ministri Hyseni e ka falënderuar Ministrin e Mbrojtjes të Estonisë për kontributin e dhënë nga trupat estoneze në kuadër të KFOR-it, të cilat pritet të largohen së shpejti nga Kosova, si pjesë e reduktimit të numrit të trupave të KFOR-it.

Në takim, Ministri ka kërkuar mbështetjen e Estonisë në proceset e integrimit të Kosovës në Bashkimin Evropian dhe në NATO, anëtare e të cilave organizata është vetë Estonia.

 

Ministri Hyseni, gjithashtu, ka folur për perspektivën evropiane të Kosovës dhe për përkushtimin dhe përparimin e vazhdueshëm që po bën Republika e Kosovës në të gjitha rrafshet.  

Kalendari

Ngjarjet e datës 6 Gusht 2021

 - Mbahet mbledhja e Komisionit për Shëndetësi dhe Mirëqenie Sociale në të cilën do të diskutohet procesi i monitorimit të Ligjeve. (Ndërtesa e Kuvendit, salla N10, ora 9:00)

- Nënshkuhet Memorandumi me Ambasadën e Norvegjisë “Mbështetje për Kuvendin e Republikës së Kosovës, kryetarin e Kuvendit dhe kabinetin e tij, komisionet dhe grupet parlamentare, nën kornizën ‘Fuqizimi i paqes dhe shtetndërtimit dhe avancimi i agjendës evropiane për Kosovën’. (Kabineti i kryetarit të Kuvendit, ora 10:40)  

- Kuvendi i Republikës së Kosovës vazhdon seancën plenare. (Kuvendi i Kosovës, ora 11:00)

- Mbahet konferencë për medie lidhur me koncertin e Ramë Lahajt. (Hotel “Opera” në Prishtinë, ora 14:30)