18 Qershor 2021

Me Serbinë do të fillojë dialogu politik

Prishtinë, 5 maj - Zëvendëskryeministri i Kosovës, Bisnik Bislimi tha se dialogu që pritet në nisë me Serbinë nuk do të jetë teknik.

Bislimi foli për dialogun në Komisionin për Punë të Jashtme ku u pyet për natyrën e dialogut.

“Do të fillohet me dialog politik, nuk do të fillohet me dialog teknik.Unë jam angazhuar nga Kurti dhe ai mi dikton objektivat. Kur mendoj që publikimi i një informate e rrezikon objektivin unë nuk e publikoj, shembull nuk mund t’ia publikojmë Serbisë platformën për dialog”, tha Bislimi.

Deputetja e AAK-së, Time Kadrijaj, pati disa pyetje në drejtim të Bislimit për formën në të cilën do të zhvillohet dialogu Kosovë-Serbi.

“A do të fillohet me dialogun teknik apo politik, a do t’i bëni publike agjendat e takimit. Cili është plani i dialogut, cilat janë parimet e dialogut, çka do të negocioni çka jo. A është prioritet pasi që keni thënë që nuk e keni e po del e kundërta. A do të angazhohet edhe Amerika në këtë proces”, pyeti ajo.

Sipas tij, dialogu do të përfundojë pas diskutimit të disa temave që nuk i bëri publike.

“Në bisedimet pas ardhjes së Kurtit, ka me pas bisedim për arritjen e një marrëveshjeje ligjërisht të obligueshme, mirëpo kjo marrëveshje arrihet pas diskutimit të tetë temave, për ma tepër bisedojmë kur seanca të jetë e mbyllur” shtoi ai.

Bislimi tutje ka theksuar disa prej parimeve të Qeverise për dialogun.

“Nuk ri negociojmë marrëveshjet, nuk krijohet shtresë e re e qeverisjes në Kosovë, nuk diskutojmë për çështjet e brendshme”, ka thënë ai.

 

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)