01 Gusht 2021

MD dhe Prokuroria nënshkruan memorandum mirëkuptimi

Prishtinë, 16 mars - Kryetari i Këshillit Prokurorial të Kosovës, njëherësh kryeprokurori i Shtetit, Ismet Kabashi dhe zëvendëskryeministri dhe ministri i Drejtësisë, prof. Dr. Hajredin Kuçi nënshkruan sot memorandum të mirëkuptimit në mes Këshillit Prokurorial të Kosovës dhe Ministrisë së Drejtësisë.

Ky memorandum mirëkuptimi ka për qëllim bartjen e dosjeve që kanë të bëjnë me prokurorët dhe bartjen e kompetencave dhe përgjegjësive të degës së ekzekutivit, që kanë të bëjnë gjithashtu me prokurorët, si dhe të personelit ndihmës, të cilët deri më tani kanë kryer punët e mbështetjes administrative për prokuroritë.

Me këtë rast kryetari i Këshillit Prokurorial të Kosovës, njëherësh kryeprokurori i Shtetit, z. Ismet Kabashi, duke e falënderuar ministrin Kuçi, për përkrahjen e vazhdueshme dhënë sistemit prokurorial, theksoi se nënshkrimi i këtij memorandumi është edhe një hap para në pavarësinë e plotë të sistemit prokurorial nga ekzekutivi.

Ndërkaq, ministri Kuçi premtoi se do të vazhdoj përkushtimin e tij, në kuadër të kompetencave që ka, duke ruajtur gjithmonë pavarësinë e sistemit prokurorial, duke dhënë përkrahje maksimale, me qëllim të rritjes së efikasitetit dhe efektivitetit të sistemit prokurorial në Kosovë.

Nga sot Këshilli Prokurorial i Kosovës dhe Ministria e Drejtësisë do të ndajnë pasurinë, hapësirat e punës, buxhetin, inventarin, asetet, mjetet e transportit, arkivin dhe dosjet e personelit.

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)