29 Mars 2024

Mbledhja plenare e Kuvendit të Kosovës do të mbahet më 8 korrik

Prishtinë, 5 korrik - Kryesia e Kuvendit të Republikës së Kosovës, në mbledhjen e sotme të drejtuar nga dr. Jakup Krasniqi, kryetar i Kuvendit, në të cilën merrnin pjesë edhe shefat e grupeve parlamentare, ka vendosur që mbledhja plenare e radhës të mbahet më 8 korrik, si dhe ka miratuar rendin e ditës për këtë seancë.

Pas shterimit të pikave të përhershme të seancave të rregullta: Koha për deklarime jashtë rendit të ditës dhe Koha për pyetje parlamentare, deputetët do të shqyrtojnë për herë të parë tri projektligje: Projektligjin për përgjegjësinë e personave juridik për vepra penale, Projektligjin për bashkëpunim juridik ndërkombëtar në çështjet penale, si dhe Projektligjin për arsimin parauniversitar në Republikën e Kosovës.

Në të njëjtën seancë, ndërkaq, do të shqyrtohet Raporti vjetor i performancës me pasqyrat e audituara financiare të Zyrës së Auditorit të Përgjithshëm, për vitin 2010.

Kryesia, pasi është njoftuar me informatën e kryetarit të Agjencionit Kundër Korrupsionit se atij i ka skaduar mandati, e ka autorizuar Komisionin për Legjislacion të ndërmarrë proceduarat e nevojshme për zgjedhjen e kryetarit të ri të AKK-së.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)