03 Gusht 2021

Mbahet punëtoria për raportimin etik në media në rastet e fëmijëve

Prishtinë, 11 qershor - Koalicioni i OJQ-ve për Mbrojtjen e Fëmijëve (KOMF) në partneritet me Terre des hommes, organizon sot punëtorinë me temë “Raportimi i mediave bazuar në standarde dhe interesin më të mirë të fëmijës”.

KOMF ka filluar serinë e punëtorive me gazëtarët  dhe profesionistët për mbrojtjen e fëmijëve me qëllim informimin dhe ngritjen e kapaciteteve mbi raportimin etik në media në rastet kur përfshihen fëmijët.

Pavarësisht qëllimit të mirë të gazetarëve në rastet kur raportojnë për fëmijët, në disa raste ndodh që në këto raportime anashkalohet baza ligjore, standardet dhe parimet etike për mbrojtjen e fëmijës.

Po ashtu, evidencat tregojnë se edhe nga ana e profesionstëve me mandat mbrojtjen e fëmijëve, ka shkelje të lidhura me raportimet për fëmijët e cenueshëm.   

KOMF dhe Terre des hommes konsideron se është e rëndësishme që të diskutohet bashkë me gazetarët dhe profesionistët e mandatuar për mbrojtjen e fëmijëve, mbi raportimin e bazuar në standarde dhe interesin më të mirë të fëmijës.

Folëse në këtë punëtori do të jetë Prof. assist. dr. Remzie Shahini Hoxhaj Profesoreshë e Fakultetit të Gazetarisë në Universitetin e Prishtinës dhe Proff. assist. dr. Njomza Llullaku – Profesoreshë në Departamentin për Punë Sociale – Universiteti i Prishtinës.

 

Kalendari

Ngjarjet e datës 4 Gusht 2021

- Komisioni për Buxhet, Punë dhe Transfere shqyrton Projektligjin për ratifikimin e Amendamentit  të Marrëveshjes të lidhur ndërmjet Qeverisë së Republikës së Kosovës dhe Qeverisë Hungareze në lidhje me Programin Kornizë për bashkëpunim financiar. (Ndërtesa e Kuvendit, salla C203, ora 10:00)

- Komisioni për Ekonomi, Industri, Ndërmarrësi dhe Tregti shqyrton nismën legjislative “Projektligji për kriptovaluta”. (Ndërtesa e Kuvendit, salla N506, ora 13:00)

- Mbahet ceremonia inaguruese e Qendrës së parë për Arsim në Distanë. (Rr. "Rexhep Mala" nr. 49, Prishtinë, përballë ICK -së, ora 18:30)