04 Tetor 2022

MAPL e gatshme që të zbatoj parimet e Kartës Evropiane për Vetëqeverisje Lokale

Prishtinë, 6 maj – Ministri i Administrimit të Pushtetit Lokal, z. Elbert Krasniqi dhe Sekretari i Përgjithshëm i Kongresit të Autoriteteve Lokale dhe Rajonale pranë Këshillit të Evropës z. Andreas Kiefer, diskutuan së bashku për rëndësinë e përkrahjes së Kongresit të Autoriteteve Lokale dhe Rajonale për komunat e Republikës së Kosovës dhe bashkëpunimin e mundshem në të ardhmen.

Ministri z. Krasniqi e njoftoj z. Kiefer, për përputhshmërinë e sistemit aktual të vetëqeverisjes lokale në Kosovë me parimet e Kartës Evropiane për Vetëqeverisje Lokale; zbatueshmërinë dhe implementimin e legjislacionit për LVL nga komunat e Republikës së Kosovës.

Gjithashtu, biseduan për studimin e fizibilitetit të përfunduar nga MAPL, për vlerësimin e sistemit aktual të qeverisjes lokale në Republikën e Kosovës, ku me këtë rast, z. Krasniqi falënderoj z. Kiefer për mbështetjen në hartimin e planit të zbatimit të këtij studimit me qëllim të harmonizimit të tij me standardet Evropiane.

Njëkohësisht, z. Krasniqi kërkoj nga z. Kiefer mbështetjen e Kongresit të Autoriteteve Lokale dhe Rajonale në zbatimin e këtij studimi si dhe bashkëpunim më të ngushtë në projektet që kanë të bëjnë me fuqizimin e demokracisë lokale, promovimin e suksesshëm të agjendës për të drejtat njerëzore, luftimin e korrupsionit në nivel lokal, promovimin e barazisë gjinore, të drejtave të fëmijëve si dhe zbatimin e agjendës së gjelbërt.

Me z. Kiefer gjithashtu bashkëbiseduan për zgjedhjet në nivel lokal si dhe për luftimin e lajmeve të rreme, masat e ndërmarra për luftimin e diskriminit dhe gjuhës së urrejtjes. 

Në fund, Ministri z. Krasniqi falënderoj Sekretarin e Përgjithshëm z. Kiefer për mbështetjen e deritanishme.

Ndërsa, z. Andreas Kiefer u zotua për vazhdimin e përkrahjes për komunat e Kosovës, me qëllim të fuqizimit të kapaciteteve lokale si dhe në zbatimin e reformave të nevojshme për perspektivën evropiane.


  

Kalendari

Ngjarjet e datës 4 tetor 2022 - Komisioni për Punë të Jashtme dhe Diasporë takohet me delegacionin e administratës së Parlamentit të Republikës së Austrisë. (Ndërtesa e Kuvendit, salla C203, ora 8:30)

- Misioni i Organizatës për Siguri dhe Bashkëpunim në Evropë organizon ceremoninë zyrtare të nënshkrimit të Memorandumit të Mirëkuptimit ndërmjet komunave të rajonit, Prishtinës, Obiliqit, Lipjanit, Podujevës dhe Fushë Kosovës dhe Qendrës për Mbrojtjen e Grave dhe Fëmijëve në Prishtinë. (Hotel Amazona, ora 10:00)

- Instituti Demokratik i Kosovës organizon tryezën e diskutimit gjatë të cilës do të shpalosën të gjeturat nga analiza e procedurave të prokurimit publik lidhur me shpenzimet publike të realizuara nga Ministria e Shëndetësisë dhe Shërbimi Spitalor Klinik Universitar gjatë periudhës 2020 – 2022. (Restorant Boho, ora 10:00)  

- Komisioni për Mbikëqyrjen e Financave Publike shqyrton raportin e Auditorit të Përgjithshëm për Raportn Vjetor Financiar të Buxhetit të Republikës së Kosovës për vitin 2021. (Ndërtesa e Kuvendit, salla N302, ora 11:00)

- Në kuadër të aktiviteteve kulturore artistike brenda institucioneve korrektuese, nesër në Qendrën Korrektuese për Femra në Lipjan, do të shfaqet Filmi “ Sffaragette”. (Qendra Korrektuese për Femra Lipjan, ora 11:00)

- Me rastin e 4 Tetorit, “Ditës Botërore për Mbrojtjen e Kafshëve”,  Ministria e Mjedisit, Planifikimit Hapësinor dhe Infrastrukturës në bashkë organizim me Agjencia e Ushqimit dhe Veterinarisë, OJQ-në Fondacioni për Mbrojtjen e të Drejtave të Kafshëve si dhe Fondacioni për mbrojtjen e kafshëve Vier Pfoten Kosova do të shënojmë këtë ditë në Pyllin e Arinjve Prishtina. (Fshati Mramor, afër liqenit të Badovcit, ora 11:00)
 
- Qendra Kryesore e Mjekësisë Familjare në Rahovec, përgjatë gjithë muajit tetor, si muaji i ndërgjegjësimit për kancerin e gjirit, çdo ditë pune ofron shërbimin e mamografisë falas për të gjithë. (Rahovec, ora 11:00)

- Ministri i Financave, Punës dhe Transfereve, Hekuran Murati së bashku me Ministren e Financave dhe Ekonomisë të Shqipërisë, Delina Ibrahimaj, Drejtorin e Përgjithshëm të Doganave të Kosovës Agron Llugaliu dhe Doganës së Shqipërisë Genti Gazheli do të inspektojnë punët në hapësirat e përbashkëta të Portit të Durrësit. (Porti i Durrësit, ora 12:00)

- Kryetari i Kuvendit të Republikës së Kosovës, Glauk Konjufca, pret në takim ambasadorin e Francës, Olivier Guerot. (Kabineti i kryetarit, ora 12:00 - Mediat mund të marrin pamje në fillim të takimit!)

- Komisioni për Ekonomi, Industri, Ndërmarrësi dhe Tregti shqyrton në parim i Projektligjit për Sigurinë e përgjithshme të produkteve si dhe formon grupin e punës për mbikëqyrjen e zbatimit të Ligjit për komunikimet elektronike. (Ndërtesa e Kuvendit, salla N10, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ=së, ora 13:30)