06 Gusht 2021

Makolli udhëheqës i përkohshëm i AKR-së

Prishtinë, 26 shkurt - Ibrahim Makolli është caktuar në cilësinë e ushtruesit të detyrës së liderit të AKR-së deri në mbajtjen e kongresit zgjedhor të kësaj partie.

Deputeti Makolli deri tani ka kryer postin e nënkryetarit të Aleancës për Kosovën e Re (AKR), ndërsa në këtë detyrë u emërua përkohësisht pasi që lideri i deritanishëm Behgjet Pacolli u zgjodh president i Kosovës.

Për zëvendësimin e Makollit kanë vendosur struktura të larta partiake, edhe pse për një post të tillë të liderit ishte përgatitur dhe favorizohej nga Pacolli, zëvendëskryetarja e deritanishme Mimoza Kusari.

Kjo e fundit deri tani nuk ka bërë me dije se a do ti hyjë garës për liderin e AKR-së, apo do të mbetet larg posteve drejtuese pas shkuarjes së Pacollit si president.

AKR në zgjedhjet e fundit në kuadër të një koalicioni me parti të vogla fitoi 8 deputetë në Parlamentin e Kosovës dhe është pjesë e Qeverisë.

Kalendari

Ngjarjet e datës 6 Gusht 2021

 - Mbahet mbledhja e Komisionit për Shëndetësi dhe Mirëqenie Sociale në të cilën do të diskutohet procesi i monitorimit të Ligjeve. (Ndërtesa e Kuvendit, salla N10, ora 9:00)

- Nënshkuhet Memorandumi me Ambasadën e Norvegjisë “Mbështetje për Kuvendin e Republikës së Kosovës, kryetarin e Kuvendit dhe kabinetin e tij, komisionet dhe grupet parlamentare, nën kornizën ‘Fuqizimi i paqes dhe shtetndërtimit dhe avancimi i agjendës evropiane për Kosovën’. (Kabineti i kryetarit të Kuvendit, ora 10:40)  

- Kuvendi i Republikës së Kosovës vazhdon seancën plenare. (Kuvendi i Kosovës, ora 11:00)

- Mbahet konferencë për medie lidhur me koncertin e Ramë Lahajt. (Hotel “Opera” në Prishtinë, ora 14:30)