18 Qershor 2021

Mahir Yagcilar merr detyrën e Ministrit të Administratës Publike

Prishtinë, 23 shkurt - Me rastin e formimit të Qeverisë së re dhe emërimit të ministrave për dikasteret qeveritar, në Ministrinë e Administratës Publike (MAP) u bë dorëzimi i detyrës nga ministrja e deritashme, znj. Edita Tahiri dhe pranimi i detyrës nga ministri i sapoemëruar, Mahir Yagcilar.

Ish ministrja znj. Tahiri, e emëruar tani në pozitën e zëvendëskryeministres së Qeverisë së Kosovës, priti z. Yagcilar, me ç’rast u zhvilluan procedurat e zakonshme me rastin e ndërrimit të ministrave. Të dy ministrat kanë shprehur respektin e tyre të ndërsjellë, bashkë me urimin për punë të suksesshme të Qeverisë së re.

Gjatë takimit znj. Tahiri ka njoftuar ministrin e sapoemëruar Yagcilar  me fushat që mbulon MAP-i , shumica prej të cilave janë prioritete të Qeverisë, përfshirë këtu Reformën  e Administratës Publike, qeverisjen elektronike,  aspektin ligjor dhe përgjegjësinë e MAP-it në implementimin e zbatimit të Ligjit për  Shërbimin Civil,  përmes të cilit kalohet nga sistemi i pozitës në sistem të meritës, zbatimin e Ligjit për Pagat e Nëpunësve Civil, Institutin e Kosovës për Administratë Publike etj. 

Ajo e ka vlerësuar si sfidë të veçantë Regjistrimin e Popullsisë, si një projekt të rëndësishëm për  shtetin e Kosovës. Ish ministrja Tahiri i ka dorëzuar ministrit Yagcilar Raportin Vjetor 2010 të MAP-it bashkë me Planin e vitit 2011, si dhe dokumente relevante që kanë të bëjnë me prioritetet e MAP-it.

Mahir Yagcilar ka shprehur urimin e tij për znj. Edita Tahiri për pozitën e zëvendëskryeministres , duke shprehur besimin e tij se si ministër i MAP-it do të vazhdojë në rrugën e suksesit, duke qenë i përkushtuar për  një administratë të qëndrueshme dhe efikase si një nga shtyllat e rëndësishme të shtetit.

 

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)