19 Tetor 2021

Lubrant i ofroi Presidentes Jahjaga mbështetjen e UNDP

Prishtinë, 18 prill - Presidentja e Republikës së Kosovës, zonja Atifete Jahjaga priti sot në takim zonjën Osnat Lubrani, koordinatore për zhvillim e OKB-së dhe përfaqësuese e përhershme e UNDP-së në Kosovë.

Zonja Lubrani fillimisht uroi Presidenten Jahjaga për detyrën e re, duke u shprehur e bindur se ajo do t’ia dalë t’i kryejë me sukses të gjitha obligimet që i dalin përpara.

Në këtë plan, ajo i ofroi Presidentes Jahjaga mbështetjen e plotë të saj dhe të institucioneve që përfaqëson. Ajo u shpreh e kënaqur me bashkëpunimin e deritashëm me institucionet e vendit dhe theksoi se ky bashkëpunim do të vazhdojë edhe në të ardhmen.

Presidentja Atifete Jahjaga theksoi se Republika e Kosovës ka nevojë për ndihmë për ndërtimin e kapaciteteve të institucioneve, si dhe koordinimin e aktiviteteve të donatorëve.

Gjithashtu, theksoi synimin e përhershëm të popullit dhe të institucioneve të vendit tonë për anëtarësim në iniciativat rajonale, në institucionet ndërkombëtare, si dhe që sa më shpejt të bëhet anëtare e Organizatës së Kombeve të Bashkuara.

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)