24 Shtator 2021

LDK-ja braktis seancën e Kuvendit

Prishtinë, 19 maj - Partia më e madhe opozitare në Kosovë, Lidhja Demokratike e Kosovës (LDK), në shenjë revolte ka braktisur të enjten punimet e seancës plenare të Kuvendit të Kosovës.

Deputetët e LDK-së këtë veprim e kanë marrë pasi gjatë shqyrtimit të Raportit financiar për Buxhetin e Republikës së Kosovës, për vitin 2010 në seancë nuk kanë qenë të pranishëm as kryeministri e as ndonjë ministër tjetër.

Shefi i Grupit Parlamentar të LDK-së, Ismet Beqiri ka thënë se kjo qeveri nuk është serioze.

“U larguam nga seanca kur duhej të shqyrtohej Raporti financiar për Buxhetin e Republikës së Kosovës, për vitin 2010, pasi kjo qeveri nuk është serioze. Në sallë nuk ishte as kryeministri, as zëvendësit e tij, apo ministrat. Kjo tregon se edhe paratë i kanë shpenzuar jo seriozisht”, ka thënë Beqiri, ndërkohë ka shprehur besimin e tij se edhe partitë tjera do t`i bashkohen kësaj iniciative.

Kalendari

Ngjarjet e datës 25 Shtator 2021

- Federata e Pingpongut organizon 3 xhirot e radhës në ligën e juniorëve dhe 1 xhiro në ligen e junioreve ku do te mbahet ndeshja ndërmjet ‘Ahmet Hoxha MK’ vs ‘Lidhja e Prizrenit’. (SHMU Tefik Çanga në Ferizaj, ora 10:00)

- Kryetari i Komunës dhe njëherësh kandidati për kryetar të Komunës nga Lëvizja Vetëvendosje! në Prizren, Mytaher Haskuka, do të vizitojë fshatin Nashec. (Oborri i shkollës së fshatit Nashec, ora 18:00)