31 Korrik 2021

LDK dhe AAK, dorëzojnë ankesën në Gjykatën Kushtetuese

Prishtinë, 1 mars - Lidhja Demokratike e Kosovës (LDK) dhe Aleanca për Ardhmërin e Kosovës (AAK) dorëzuan para pak minutash ankesën në Gjykatën Kushtetuese, ankesë kjo e cila konteston procedurën e zgjedhjes së presidentit Behxhet Pacolli, në mbledhjen e jashtëzakonshme të Kuvendit, javën e kaluar.

Vjosa Osmani, deputete e LDK-së, e cila e dorëzoi në Gjykatë këtë ankesë, tha se dy partitë opozitare, LDK dhe AAK dyshojnë në mënyrën se si është zgjedhur Pacolli president, prandaj kërkojnë interpretimin ligjor nga Gjykata Kushtetuese.

Osmani tha se çdo vendim i Gjykatës Kushtetuese do të jetë i pranueshëm për LDK-në.

Nderkaq në anën tjetër edhe shefi i ICO-së në Prishtinë, Piter Feith ka deklaruar se nuk ka pasur shkelje të Kushtetutës në seancën e votimit të presidentit dhe qeverisë së Kosovës.

“Jo, absolutisht nuk është shkelur Kushtetuta”, u është përgjigjur Feith interesit të gazetarëve.

Megjithatë, zyrtari evropian ka vlerësuar se nëse çështja shkon në Gjykatën Kushtetuese, atëherë i takon asaj të vendosë.

Deklaratën e tij Feith e ka bërë pas një takimi me zëvendëskryeministrin dhe ministrin e Administrimit të Pushtetit Lokal, Sllavisha Petrovic.
 

Kalendari

Ngjarjet e datës 31 Korrik 2021

- Qendra për Informim dhe Përmirësim Social në bashkëpunim me Ambasadën Gjermane dhe Komunën e Prishtinës organizon për herë të parë Panairin e Vullnetarëve të Shëndetit Mendor. (Biblioteka Kombëtare “Pjetër Bogdani”, ora 10:00)

- Federat e Futbollit të Kosovës organizon workshop-in rreth sistemit VAR. (Kampi Edukativ Nacional në Hajvali, ora 17:00)