Prishtinë, 25 tetor - Lidhja Demokratike e Dardanisë vlerëson se situata e krijuar në vend dhe bllokada institucionale është shqetësuese.
 
“LDD vlerson se qeverisja aktuale ka konsumuar veten është në gërq politik dhe si e till jo funksionale, Kuvendi i Kosovës si organi më i lartë i vendit në këtë raport forcash të krijuar, nuk është funksional dhe nuk është në gjendje të përballet me përgjegjësit kushtetuese”, ka thënë në konferencën për media nënkryetari i LDD, Lulzim Zeneli.
 
Zeneli ka theksuar se duke e parë situatën e krijuar dhe duke e vlerësuar si tejet shqetësuese, me përmasa përshkallëzimi dhe futjes në një qorrsokak kushtetues dhe institucional, LDD kërkon nga kryeministri i Kosovës, që në pajtim me dispozitat kushtetuese t’i jep fund mandatit të tij qeverisës dhe këtë mënyre t’i hap rrugë daljes nga kjo gjendje duke krijuar premise për zhbllokimin e kësaj situate të krijuar.

“ Për LDD-në, fakti se edhe sot pas dy javësh krize të thellë institucionale dhe mos reagim konform realitetit të krijuar, na bën të besojmë se jemi në një gjendje jo premtuese. Përkundrazi vazhdimi I kësaj gjendja mund të thellojë edhe më tej krizën në vend dhe pasojat për vendin do të jenë afatgjate.
 
Bazuar në situatën e krijuar nga sjelljet e papërgjegjshme dhe joinstitucionale qeverisjes PDK-LDK Lidhja Demokratike e Dardanisë  vlrëson se Kosova sot më shumë se kur ka nevojë për vendime që demonstrojnë pjekuri politike dhe shteformuese, tha nënkruetari Zeneli.
 
“LDD konsideron se zgjedhjet e jashtëzakonshme fatkeqësisht tashmë janë pa alternative dhe kërkojmë që pjesa e dyte e muajit dhjetor të këtij vitit të jetë koha e mbajtjes se zgjedhjeve parlamentare në Kosovë. Këtë gjë e kërkojmë duke qenë të vetëdijshëm dhe të bindur në faktin, se vazhdimi I zgjatjes së kësaj agonie institucionale do t’i kushtojë Kosovës dhe qytetarëve të saj dhe pasojat do të jenë të pariparueshme për qytetarët dhe shtetin e Kosovës”, ka thënë Zeneli