23 Shtator 2021

LDD: Pushteti aktual ka për synim mbijetesën politike

Prishtinë, 3 qershor - Nënkryetari i Lidhjes Demokratike të Dardanisë, Lulzim Zeneli ka vlerësuar sot se pushteti aktual, koalicioni PDK – LDK ka synim të vetëm mbijetesën politike.

“Sipas vlerësimit të LDD, pushteti aktual ka zgjedhur  rrugën e cila qon vendin nënë thellim të krizës në vend. Sjellja e kryetarit te vendit dhe kryeministrit pas zgjedhjeve serbe në territorin e Kosovës është pajtim me gjendjen ekzistuese”, tha Zeneli në konferencën për media.

Fakti që  30% të  territorit të Kosovës pushtetin e vetëm e ushtron Republika e Serbisë, është porosi që pushteti aktual është zhytur në ujera të zeza politike.

“Në këtë plan LDD kundërshton fuqishëm çdo tendencë e cilat çon në fragmentarizmin apo ndarjen e brendshme të Kosovës, në emër të rehabilitimit të një komuniteti e që në realitet është çmim për dështimet e këtij pushteti dhe për involvimin e tij në jo ligjshmëri dhe krim ekonomik”, ka vlerësuar ai.

Sipas nënkryetarit të LDD kjo parti vlerëson se pushteti aktual PDK-LDK, ka humbur legjitimitetin e qeverisjes së vendit, dhe vazhdimi i kësaj politike është mbajtja peng e perspektives se vendit.

“Këtë e përsërisim edhe sot kur te gjitha referencat ndërkombëtare dhe vendore flasin për humbjen e autoritet te kësaj qeverisje, për zhytjen e thelle te këtij pushteti ne korrupsion dhe krim ekonomik. Kjo është treguesi i qartë se kemi të bëjmë me një qeverisje jo legjitime dhe pa autoritet”, tha Zeneli.

Lidhja Demokratike e Dardanisë daljen nga kjo situate e sheh në largimi sa më i shpejt të këtij pushteti dhe hapjen e rrugës për mbajtjen e zgjedhjeve të parakohshme, të lira dhe demokratike në vend u shpreh Zeneli.

Ai theksoi se institucionet vendore qe nga fillimi kur kane marre mandatin për qeverisjen e vendit kanë demonstruar se nuk kane vullnet politike qe te përballen me luftën e korrupsionit dhe krimit te organizuar, ndërsa deklaratat te cilat vijnë se fundi janë pjese e retorikes ditore.

Zeneli vlerësoi se Eulexi ka mandat ne ketë proces jo vetëm për te luftuar korrupsionit po për te zbatuar ligjshmërinë ne vend dhe për te krijuar ambient te sigurt për një jete normale.

“Jeta normale ne Kosove mund te zhvillohet dhe qytetaret e Kosovës mund te jetojnë ne një Kosove normale vetëm atëherë kur luftohet fuqishëm korrupsioni dhe krimi ekonomik, ku zbatohet ligjshmëria dhe atëherë mund te flasim për një perspektiv evropiane të Kosovës dhe për thithjen e investimeve te jashtme|, përfundoi ai.

Kalendari

Ngjarjet e datës 23 Shtator 2021 - Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 10:00)

- Kandidati për Kryetar të Prishtinës, Uran Ismaili do të vizitoj Kompaninë Pastrimi në Prishtinë ku do të mbaj edhe një Konferencë për media në hapësirën e kësaj kompanie. (Kompania Pastrimi në Emshir pas stacionit të autobusëve, ora 11:30)

- Partia Socialdemokrate do të dorëzoj kallëzim penal në Prokurori. (Ndërtesa e Prokurorisë në lagjen Veternik, ora 13:00)

- Forumi i Gruas së Nismës Socialdemokrate në Malishevë mban takim elektoral, ku i pranishëm do të jetë kryetari Nismës, Fatmir Limaj dhe kandidati për kryetar të Komunës së Malishevës, Ekrem Kastrati. (Ambienti i jashtëm i shkollës fillore “Ibrahim Mazreku” në Malishevë, ora 14:00)

- Dhomat e Specializuara të Kosovës organizojnë informimin javore  në të cilin do  të  japin  një  informacion  të  përditësuar  mbi zhvillimet  e  fundit  lidhur  me  procedurat  gjyqësore  dhe  veprimtaritë  e  tjera  publike  të  gjykatës. (Online, ora 14:30)

- Forumi për Lidership dhe Diplomaci organizon ngjarjen lansuese të projektit: Promovimi i Zhvillimit Ekonomik Rajonal përmes Akademisë se Ndërmarrësisë. (Hotel Sirius, ora 16:00)

- Mbahet ceremonia e  hapjes së Kongresit te Parë Klinik të Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)