18 Qershor 2021

Kuvendi sot voton presidentin dhe qeverinë e Kosovës

Prishtinë, 22 shkurt -Në një seancë të jashtëzakonshme sot Kuvendi i Republikës së Kosovës Kosovës pritet të votojë pasdite për zgjedhjen e presidentit dhe qeverisë. 

Kryetari i Kuvendit të Kosovës, Jakup Krasniqi bëri te ditur dje se do të shqyrtojë kërkesën e koalicionit për mbajtjen e një seance të jashtëzakonshme të martën (sot), do të votohet për Presidentin dhe Qeverinë e Republikës së Kosovës.

Ndërkaq, nënkryetari i PDK-së, Hajredin Kuçi deklaroi në Kuvendin e Kosovës se kanë deponuar një kërkesë për seancë të jashtëzakonshme për ditën e martë, me qëllimin e votimit të Presidentit dhe Qeverisë së Kosovës.

"Përfaqësuesit e partive në koalicion shtruan kërkesën që sot pasdite të mbahet një seancë e jashtëzakonshme për votimin e institucioneve të reja të vendit, kërkesë kjo për të cilën do të vendoset sot paradite nga kryesia e Parlamentit."

Edhe pse tashmë dihet se cilat janë forcat politike përbërëse të koalicionit të ardhshëm qeverisës, ende nuk dihet përbërja e tyre.

Seanca në të cilën do të hidhet në votim zgjedhja e Behgjet Pacollit president dhe kabineti i ri qeveritar i udhëhequr nga Hashim Thaçi, është thirrur me kërkesë të grupit parlamentar të PDK-së.

Zgjedhja e presidentit bëhet me votim të fshehtë dhe nëse në raundin e tretë z.Pacolli nuk arrin të sigurojë të paktën 61 vota, vendi shkon në zgjedhje të jashtëzakonshme.

Edhe qeverisë i duhen numër i njëjtë i votave për të kaluar në Parlament.

Partnerët e koalicionit, Partia Demokratike, Aleanca Kosova e Re, Lista Ibrahim Rugova dhe minoritetet numërojnë rreth 65 vota, por disa zyrtarë të PDK-së janë shprehur pro votimit të z.Pacolli për president të Kosovës.

Vetë z.Pacolli ndërkaq ka deklaruar se nuk e di nëse i ka votat e mjaftueshme për t’u zgjedhur në Kuvend.

Partitë opozitare, Lidhja Demokratike, Aleanca për Ardhmërinë e Kosovës dhe Lëvizja Vetëvendosje kanë thënë se nuk do ta votojnë kryetarin e AKR-së, Behgjet Pacolli për president dhe as kryetarin e PDK-së, Hashim Thaçi për kryeministër.

Aleanca për Ardhmërinë e Kosovës madje ka thënë se nuk do të marrë fare pjesë në votim.

Dështimi për të zgjedhur institucionet e reja të dala nga zgjedhjet e dhjetorit do ta çonte sërish vendin në krizë të re institucionale.

Kryetari i Partisë Demokratike Hashim Thaçi ka përmbyllur marrëveshjet për krijimin e qeverisë së re në të cilën do të përfshihen Aleanca Kosova e Re, partitë e pakicave kombëtare dhe lista Ibrahim Rugova që ka një deputet në Parlamentin 120 vendesh.

Sipas kësaj marrëveshjeje zoti Thaçi i cili pritet të jetë sërish kryeministër i vendit, është pajtuar që posti i presidentit të Kosovës t’i takojë kryetarit të Aleancës Kosova e Re, Behxhet Pacolli.
 
Burime nga Partia Demokratike e Kosovës, kanë treguar për Top Channel përbërjen e re të Qeverisë së Kosovës, më saktësisht emrat e ministrave që vijnë nga radhët e Partisë Demokratike të Kosovës.

Sipas këtyre burimeve, që duan të mbesin në anonimat, Hajredin Kuçi do të vazhdojë të mbajë postin e zëvëndëskryeministrit të Kosovës, por do të drejtojë edhe Ministrinë e Drejtësisë.

Ndërsa, Vlora Çitaku, e cila gjatë mandatit të kaluar të Qeverisë Thaçi ishte zëvëndës ministre e Punëve të Jashtme, në përbërjen e re, do të drejtojë këtë dikaster.

Ramë Buja do të drejtohë Ministrinë e Arsimit, Shkencës dhe Teknologjisë, të cilën deri më tani e drejtonte Enver Hoxhaj, pasi ky i fundit do të jetë Ministër i Integrimeve Europiane.

Kurse, në vend të Fatmir Limajt, i cili drejtonte Ministrinë e Transportit dhe Postë Telekomunikacionit, do të emërohet Fehmi Mujota, që drejtonte Ministrinë e FSK-së.

Zëdhënësi i deritanishëm i qeverisë, Memli Krasniqit, i është besuar posti ministror i Ministrisë së Kulturës Rinisë dhe Sporteve, ndërsa, Blerand Stavileci do të vazhdojë të drejtojë Ministrinë e Bujqësisë dhe të Zhvillimit Rural, dikaster të cilin e drejton prej disa kohë.

Po, sipas këtyre burimeve, kjo listë pritet të zyrtarizohet gjatë ditës së martë, nga i mandatuari për formimin e qeverisë, Hashim Thaçi.
 

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)