19 Tetor 2021

Kryetari Krasniqi e ftoi homologun belg për vizitë në Kosovë

Prishtinë, 15 prill - Një pritje të ngrohtë dhe miqësore, kryetari i Kuvendit të Republikës së Kosovës, dr. Jakup Krasniqi, pati dje pasdite në Parlamentin e Belgjikës, nga kryetari i tij, André Flahaut.

Në takim u konfirmuan marrëdhëniet e mira midis dy parlamenteve, kryetarët e të cilëve edhe më parë kanë këmbyer vizita zyrtare.

Kryetari i Dhomës së Përfaqësuesve të Belgjikës, Flahaut, tha se e kishte vizituar më herët Kosovën, në cilësi të ministrit të Mbrojtjes dhe ishte befasuar me ndryshimet e mëdha pozitive që ka bërë vendi ynë.

Ai u interesua për aspekte të ndryshme të jetës në Kosovë, për të cilat e njoftoi kryetari Krasniqi.

Të dy kryetarët u pajtuan që të thellohen marrëdhëniet bilaterale ndërmjet parlamenteve, duke ditur se Kuvendi i Kosovës mund të përfitojë nga përvoja dhe tradita parlamentare belge.

Ata theksuan nevojën e formimit të grupeve parlamentare të miqësisë dhe të takimeve të deputetëve të të dyja parlamenteve.

Kryetari i Kuvendit të Kosovës, Jakup Krasniqi e ftoi homologun e tij belg për një vizitë miqësore dhe zyrtare në Kosovë, e cila u prit me kënaqësi.

Në takim, kryetari Krasniqi shoqërohej nga ambasadori ynë në Bruksel, Ilir Dugolli dhe këshilltarët e tij, Hajrizi dhe Reçica.

 

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)