07 Dhjetor 2021

Kryeparlamentari Krasniqi vlerëson lartë vizitën në Londër

Prishtinë, 6 shkurt - Delegacioni i Kuvendit të Republikës së Kosovës, i kryesuar nga kryetari i Kuvendit, Jakup Krasniqi, në përbërje të të cilit ishin edhe anëtari i Kryesisë, Ibrahim Gashi, shefi i Kabinetit, Mehmet Hajrizi dhe këshilltari për marrëdhënie me jashtë, Skënder Reçica, është kthyer sot nga vizita në Mbretërinë e Bashkuar.

Vizita është realizuar me ftesë të Asociacionit Parlamentar të Komonveltit Britanik, për të marrë pjesë në Konferencën Ndërkombëtare Parlamentare, në të cilën temë e diskutimeve ishte Ndërtimi i Paqes pas konflikteve.

Pas arritjes në Aeroportin e Prishtinës, kryetari i Kuvendit, Jakup Krasniqi, ka folur për aktivitetet e delegacionit të Kuvendit të Kosovës gjatë qëndrimit pesëditor në Mbretërinë e Bashkuar, për pjesëmarrjen në konferencë dhe takimet e shumta me përfaqësues të shteteve të ndryshme, pjesëmarrës në këtë konferencë.

Kryeparlamentari Krasniqi njoftoi për takimet me kryetarin e Dhomës së Përfaqësuesve të Parlamentit Britanik, John Bercow, dhe atë të Asamblesë së Irlandës Veriore, William Hay, me të cilët janë shkëmbyer përvojat parlamentare.

Krasniqi tha se gjatë këtyre takimeve është kërkuar që të ketë komunikime të vazhdueshme për të marrë praktika dhe përvoja nga demokracia tashmë tradicionale e Mbretërisë së Bashkuar. Kreu i Kuvendit theksoi se të dy kryetarët i ka njoftuar me zhvillimet politike në Kosovë, dhe në mënyrë të veçantë me angazhimet e Kuvendit të Republikës, duke iu bërë ftesë për vizitë në Kosovë.

Kreu i Kuvendit të Kosovës veçoi takimin me drejtorin për Evropën Juglindore në Ministrinë e Jashtme të Mbretërisë së Bashkuar, Daniel Cearn, takimet me personalitete të vendeve të ndryshme, pjesëmarrës në Konferencë, duke potencuar veçanërisht atë me referuesin e konferencës, Lordin Robertson. Krasniqi tha se në këto takime ka dhënë njoftime edhe për strategjinë për veriun, duke kërkuar nga Mbretëria e Bashkuar mbështetje për të dhe procese të tjera.

Kryeparlementari Krasniqi njoftoi edhe për takimet me përfaqësues nga Pakistani, Bangladeshi, Sudani etj., nga të cilët është kërkuar njohja e shtetit të pavarur dhe sovran të Kosovës, me ç’rast janë marrë zotime se do të ndikohet te qeveritë respektive që ta kenë parasysh njohjen e Kosovës.

“Ndoshta edhe vet prezenca jonë në këtë Konferencë të organizuar nga Komonvelti Britanik, ka bërë që të ketë një interes të shtuar nga vendet anëtare të Komonoveltit”, theksoi kryeparlamentari Krasniqi.

I pyetur nga gazetarët rreth debatit mbi mundësinë e mbajtjes së zgjedhjeve të parakohshme në Kosovë, i pari i Kuvendit theksoi se zgjedhjet nuk janë zgjidhje, ndërkaq potencoi se pozita dhe opozita duhet të punojnë në forcimin e institucioneve dhe në krijimin e një ambienti të përshtatshëm për zhvillimin dhe përmirësimin e jetës në Kosovë.
 

Kalendari

Ngjarjet e datës 7 dhjetor 2021 - Zyra e Rregullatorit për Energji organizon konferencën për integrimin e tregut të energjisë elektrike. (Hotel “Swiss Diamond”, ora 9:00)

-  Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjit për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Ndërtesa e Kuvendit, salla N506, ora 10:00)

- Mbahet ceremonia inauguruese e pranim dorëzimit të detyrës së Kryetarit të Prishtinës ku edhe do të bëhet betimi dhe nënshkrimi i deklaratës solemne për marrjen e detyrës së Kryetarit të ri të Komunës së Prishtinës, Përparim Rama si dhe betimi i anëtarëve të ri të Kuvendit të Komunës së Prishtinës. (Salla e Kuvendit të Komunës së Prishtinës, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Lëvizja FOL në partneritet me Misionin e Bashkimit Evropian për Sundimin e Ligjit në Kosovë bën lansimin e Raportit “Pajisjet elektronike: fokusi në parandalimin e rasteve të dhunës në familje”. (Hotel Emerald, ora 10:00)

-  Komisioni për Buxhet, Punë dhe Transfere shqyrton Projektligjit mbi Ndarjet Buxhetore për Buxhetin e Republikës së Kosovës për vitin 2022. (Ndërtesa e Kuvendit, salla C203, ora 10:00)

- Komuna e Rahovecit organizon shënimin e Ditës së Bibliotekës Komunale “Sulejman Krasniqi”. (Salla e Kuvendit të Komunës së Rahovecit, ora 11:00)

- Me rastin e Ditës së Bibliotekës Komunale “Sulejman Krasniqi” udhëheqes të Komunës së Rahovecit vizitojn shkollën e mesme të lartë  "Heronjtë e Kosovës" në Hoçë të Vogel. (Fshati Hoçë, ora 11:00)

- Qendra për Informim, Kritikë dhe Aksion së bashku me disa organizata të tjera feministe organizon aksion simbolik lidhur me aktgjykimin seksist të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare në vitin 2012. (Para Këshillit Gjyqësor të Kosovës, ora 12:00)

- Komisioni për Ekonomi, Industri, Ndërmarrësi dhe Tregti mban dëgjim publik për Pakon e projektligjeve të pronësisë industriale si Projektligji për topografitë e gjysmëpërçuesve; Projektligji për dizajnin industrial, si dhe projektligji për patentat. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton Projektligjin për Odat e Arkitektëve dhe Inxhinierëve në fushën e ndërtimit dhe  planin e performancës për vitin 2022 nga Agjencia për menaxhimin e komplekseve memoriale të Kosovës (Ndërtesa e Kuvendit, salla N302, ora 13:00)