09 Dhjetor 2021

Kryeparlamentari i Irlandës së Veriut, do ta vizitoi Kosovën

Prishtinë, 15 shtator  - Kryetari i Kuvendit të Republikës së Kosovës, Jakup Krasniqi, ka pritur sot Drejtorin për Angazhim të Asamblesë së Irlandës Veriore, Gareth McGrath, përgjegjësen për Përhapjen e Arsimit, Sheila McClelland, si dhe  ambasadorin e Britanisë në Kosovë,  Andy Sparks, me të cilët ka biseduar për marrëdhëniet ndërmjet dy vendeve dhe për përgatitjet për një vizitë të ardhshme në Kosovë të kryetarit të Parlamentit të Irlandës së Veriut, Ëliam Hay.

Krasniqi tha se me Serbinë do të bisedohet për çështje teknike, në funksion të jetës më të mirë të qytetarëve dhe assesi për çështje politike  që e prekin integritetin dhe sovranitetin e shtetit të Kosovës

Krasniqi ka vlerësuar mbështetjen e vazhdueshme të Mbretërisë së Bashkuar për Kosovën, e në këtë kuadër edhe për marrëdhëniet me Irlandën e Veriut dhe sidomos me parlamentin e saj.

Ai në vazhdim ka folur për konsolidimin e institucioneve demokratike në vend, e në këtë mes edhe për normalizimin e gjendjes në veri të Kosovës dhe integrimin gradual të komunitetit serb në shoqërinë e Kosovës.

Krasniqi është shprehur i bindur se pas opinionit pozitiv të Gjykatës Ndërkombëtare të Drejtësisë dhe Rezolutës së Asamblesë së Përgjithshmet ë OKB-së, do të fuqizohet edhe më subjektiviteti ndërkombëtar i Kosovës, do të shtohet numri i njohjeve për Kosovën dhe e gjithë kjo do të reflektohet edhe në jetën shoqërore të vendit tonë.

Ndërsa  Drejtori për Angazhim të Asamblesë së Irlandës së Veriut, Gareth McGrath, duke i vlerësuar të arriturat e  Kosovës dhe duke e përgëzuar për to, i ka përcjellë  Krasniqi përshëndetjet e  kryetarit të Parlamentit të Irlandës së Veriut,Wliam Hay, i cili planifikon që në një kohë jo shumë të largët ta vizitojë Kosovën.

Ambasadori i Britanisë në Kosovë, Andy Sparks, i cili e ka udhëhequr delegacionin, ka theksuar se pas opinionit të GJND-së dhe Rezolutës së OKB-së, është krijuar klimë e mirë për bisedimeve Serbinë për çështje teknike, në funksion të jetës më të mirë të qytetarëve të të dy vendeve dhe assesi për çështje politike që e prekin integritetin dhe sovranitetin e shtetit të Kosovës.



   
 

Kalendari

Ngjarjet e datës 9 dhjetor 2021

- Shoqata e Bankave të Kosovës organizon hapjen e “Konventës Vjetore bankare të SHBK-së 2021”. (Swiss Diamond, ora 9:30)

- Lëvizja FOL organizon konferencë për media me ç’rast do të bëjë publikimin e gjetjeve nga hulumtimi “Perceptimet e sektorit privat rreth prokurimit publik”. (Zyrat e Lëvizjes FOL, ora 10:00)

- Universiteti i Prishtinës “Hasan Prishtina” dhe Kolegji IBC-M organizojnë tryezën e diskutimit për prezantimin e Raportit të Vlerësimit të Kartelës Matëse të Autonomisë Universitare. (Amfiteatri i Bibliotekës Qendrore Universitare, kampusi i UP-së, ora 10:00)

- Mbahet seanca e 2-të e rregullt të Kuvendit të Komunës së Mitrovicës në të cilën do të zgjedhet kryesuesi i Kuvendit të Komunës. (Salla e Kuvendit të Komunës, ora 10:00)

- Kryetari i Gjilanit, Lutfi Haziri i dorëzon detyrën kryetarit të ri, Alban Hyseni. (Zyra e Kryetarit, ora 11:00)

- Rrjeti Mesdhetar i Grave Ndërmjetësuese së bashku me OJQ-në She Solutions mban konferencën "Gratë në sektorin e sigurisë: ndërmjet sfidave dhe mundësive". (Zyra e BE për informim, ora 11:00)

- Instituti Demokratik i Kosovës / Transparency International Kosova organizojnë ekspozitën për fotografinë më të mirë kundër-korrupsion 2021, ku do të shpallen tre fituesit e kësaj gare. (Parku Arkeologjik ‘Lapidariumi’ përballë Muzeut Kombëtar të Kosovës, ora 11:00)

- OJQ AKTIV bën prezantimin e aplikacionit Aber online për celularë Android dhe iOS. (Hotel Ulpiana në Graçanicë, ora 11:00)

- Instituti D4D organizon tryezën diskutuese me temën “Fushata zgjedhore në llupë: A e kërcënojnë integritetin zgjedhor çrregullimet e informacionit?”. (Hotel Prishtina, ora 14:00)