01 Gusht 2021

Kryekuvendari Krasniqi uron 7 Marsin, Ditën e Mësuesit

Prishtinë, 7 mars - Me rastin e 7 Marsit, Ditës së Mësuesit, kryetari i Kuvendit të Kosovës, dr. Jakup Krasniqi, u dërgoi mësimdhënësve një telegram urimi në të cilin thuhet:

”Sot, përkujtojmë me nderim të veçantë hapjen e shkollës së parë laike shqipe në Korçë, duke përkujtuar të gjithë ata pishtarë të arsimit që kultivuan dhe mbrojtën me shumë mundime dhe sakrifica edukimin dhe arsimimin në gjuhën shqipe.

Edhe sot mësimdhënësit tanë kanë një rol të pazëvendësueshëm në edukimin e brezave të rinj, që janë bazament i një të ardhmeje të ndritur të atdheut.

Në emrin tim dhe në emrin e Kuvendit të Kosovës, të gjithë mësimdhënësve ju urojmë këtë ditë të madhe të arsimit, duke besuar në arritje e suksese edhe më të mëdha në të ardhmen,”, theksohet në telegramin e urimit të kryekuvendarit Krasniqi.
 

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)