19 Tetor 2021

Kryekuvendari Krasniqi përfundoi vizitën në Bruksel

Prishtinë, më  16 - Kryekuvendari Krasniqi u kthye sot nga vizita zyrtare në Bruksel, ku ishte me ftesë të kryetarit të Parlamentit Evropian dhe të kryetarit të Kuvendit Kombëtar të Hungarisë.

Kryetari i Kuvendit të Kosovës, dr. Jakup Krasniqi, u kthye sot nga vizita zyrtare në Bruksel. Gjatë kësaj vizite ai mori pjesë në takimin e përbashkët parlamentar të organizuar nga Parlamenti Evropian dhe Kuvendi Kombëtar i Hungarisë, me temën “Ballkani Perëndimor – drejt një Evrope më të integruar”, i cili u mbajt më 13 dhe 14 prill, në Bruksel.

Gjatë qëndrimit në Bruksel kreu i legjislativit të vendit u takua me kryetarin e Dhomës së Përfaqësuesve të Begjikës, André Flahaut, me eurodeputetët, Doris Pack dhe Eduard Kukan, me kryetarin e parlamentit Evropian, Jerzy Buzek, me zëvendëskryetaren e Senatit belg, Helga Stevens, si dhe me përfaqësues tjerë të Parlamentit Belg.

Kryekuvendari Krasniqi ishte i shoqëruar nga Lutfi Haziri, kryetar i Komisionit Parlamentar për Integrime Evropiane, Mehmet Hajrizi, shef  i Kabinetit të Kryetarit dhe Skender Reçica, këshilltar për Protokoll dhe Marrëdhënie Ndërkombëtare.

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)