01 Gusht 2021

Kryekuvendari Krasniqi niset për vizitë në Hungari

Prishtinë, 28 mars - Kryetari i Kuvendit të Kosovës, dr. Jakup Krasniqi, me ftesë të kryetarit të Asamblesë Nacionale të Hungarisë, Laszlo Kover, u nis sot për një vizitë zyrtare katër ditore në Hungari.

Gjatë vizitës zyrtare katër ditore kreu i legjislativit të vendit, në krye të një delegacioni, do të takohet me kryetarin e Asamblesë, kryeministrin dhe personalitete të tjera të këtij vendi

Në delegacionin që e udhëheq kryekuvendari Krasniqi janë edhe kryetarët e grupeve parlamentare të PDK-së dhe LDK-së, përkatësisht Adem Grabovci dhe Ismet Beqiri, si dhe shefi i kabinetit të kryekuvendarit, Mehmet Hajrizi e këshilltari Skënder Reçica.

Në kuadër të kësaj vizite, kryetari i Kuvendit të Kosovës, Jakup Krasniqi do të takohet me Laszlo Kövér, kryetari i Asamblesë Nacionale të Hungarisë, Viktor Orbán,kryeministër i Hungarisë, Zsolt Németh, sekretar i Shtetit në Ministrinë e Punëve të Jashtme të Hungarisë, Richárd Horcsik, kryetar i Komisionit për Çështje Evropiane dhe me z. Mihály Balla, kryetar i Komisionit për Punë të Jashtme.
 

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)