31 Korrik 2021

Kryekuvendari Krasniqi ngushëllon Takahiro Yokomichi

Prishtinë, 11 mars - Me rastin e tërmetit me pasoja tragjike që goditi Japoninë, kryetari i Kuvendit të Kosovës, dr. Jakup Krasniqi,  i dërgoi një telegram ngushëllimi, Shkëlqesisë së Tij, Takahiro Yokomichi, kryetar i Dhomës së Përfaqësuesve të Japonisë, me këtë përmbajtje: 

“I nderuar Zoti Takahiro Yokomichi,

Me keqardhje të thellë mësuam lajmin për tërmetin e fuqishëm që ka goditur sot Japoninë.

Në emër të Kuvendit dhe të popullit të Kosovës, si dhe në emrin tim, ju shpreh  Juve shkëlqesi, familjeve të viktimave dhe popullit të Japonisë dhembjen e thellë dhe ngushëllimet e sinqerta për këtë fatkeqësi të rëndë natyrore.

Lajmi për këtë tragjedi e ka prekur thellë në shpirt tërë popullin e Kosovës, prandaj, duke marrë pjesë në këtë dhembje, ju siguroj se qytetarët e Kosovës dhe institucionet e saj bashkëndiejnë dhimbjen dhe solidarizohen me qytetarët e Japonisë.

Ju lutem Shkëlqesi, pranoni shprehjen e konsideratës sime më të lartë”, theksohet në telegramin e kryekuvendarit Krasniqi.

 

Kalendari

Ngjarjet e datës 31 Korrik 2021

- Qendra për Informim dhe Përmirësim Social në bashkëpunim me Ambasadën Gjermane dhe Komunën e Prishtinës organizon për herë të parë Panairin e Vullnetarëve të Shëndetit Mendor. (Biblioteka Kombëtare “Pjetër Bogdani”, ora 10:00)

- Federat e Futbollit të Kosovës organizon workshop-in rreth sistemit VAR. (Kampi Edukativ Nacional në Hajvali, ora 17:00)