01 Gusht 2021

Krasniqi takohet me partitë politike për të diskutuar krizën

Prishtinë, 5 prill - Nga e nesër ushtruesi i detyrës së presidentit, Jakup Krasniqi do të fillojë takimet me përfaqësuesit e partive politike.

Takimet që do të nisin me partitë parlamentare do të kenë në qendër zhvillimet e fundit politike dhe krizën në vend. Ndërkaq, AAK-ja ka kërkuar tryzë të partive parlamentare.

"Ndryshimi i Kushtetutës së Kosovës dhe i Ligjit për zgjedhjet e përgjithshme janë të domosdoshme për stabilizimin afatgjatë të skenës politike të vendit, e cila është e dëmtuar rëndë me zgjedhjet e manipuluara parlamentare të dhjetorit të vitit të kaluar", thuhet në një komunikatë të AAK-së, të lëshuar pas mbledhjes së kryesisë së kësaj partie.

Kryesia e AAK-së kërkon mbajtjen e Tryezës Politike të të gjitha subjekteve parlamentare si rrugë për gjetjen e konsensusit politik në Kosovë. 

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)