23 Shtator 2021

Kosova të jetë pjesëmarrëse e barabartë në konferenca

Prishtinë, 17 maj - Zëvendëskryeministri dhe ministri i Drejtësisë, Prof. Dr. Hajredin Kuçi, priti në takim kryetarin e IACA/NCSC-së (Asociacionit Ndërkombëtar të Administrimit të Gjykatave dhe Qëndresë Kombëtare për Gjykata Shtetërore të SHBA-së), Jeffrey A. Apperson, me të cilin biseduan për punët që janë dukë u bërë në reformimin e sistemit të drejtësisë në Kosovë dhe për mundësit e thellimit të bashkëpunimit në mes të Ministrisë së Drejtësisë, institucioneve tjera të Kosovës, me këto asociacione.

Ministër  Kuçi dhe Apperson, janë pajtuar që Kosova të ketë nivel më të lartë të prezantimit në mekanizmat ndërkombëtar dhe të jetë pjesëmarrëse e barabartë në konferenca të ndryshme.
 
Në njoftimin për media të MD-së thuhet se në takim është biseduar për punët që janë dukë u bërë në reformimin e sistemit të drejtësisë në Kosovë dhe për mundësitë e thellimit të bashkëpunimit në mes të Ministrisë së Drejtësisë, institucioneve tjera të Kosovës, me këto asociacione.

Pas këtij takimit, ministri Kuçi e ka falënderuar kryetarin Apperson, për punën dhe kontributin që Qendra Kombëtare për Gjykata Shtetërore (NCSC), kanë dhënë në Kosovë nga viti 2006 dhe për vazhdimin e bashkëpunimit të mëtutjeshëm.

“I shpreha gatishmërinë për të punuar bashkë me Ministrinë e Drejtësisë dhe institucionet tjera. Besoj që me reformimin që po bëjmë në sistemin e drejtësisë, me prioritetet që kemi për ngritjen e kapaciteteve, për të krijuar ligje të mira dhe ambient për rend dhe ligj, ky asociacion mund ta jep ndihmën e vetë të mjaftueshme. Në këtë drejtim do të bëjmë gjitha përgatitjet që ta nënshkruajmë një memorandum për bashkëpunim reciprok”, tha ministri Kuçi.

Ndërsa, kryetari i IACA/NCSC-së, Jeffrey A. Apperson, citohet të ketë thënë se do të punojnë së bashku me Ministrinë e Drejtësisë dhe institucionet tjera, për një sistem sa më të mirë të drejtësisë në Kosovë.

“Jam i impresionuar me vizionin e Ministrisë së Drejtësisë për përmirësimin e sistemit të drejtësisë në Kosovë. Ne e japim premtimin tonë që do të punojmë me këtë ministri dhe me të gjitha institucionet e Kosovës, për përmirësimin e sistemit të drejtësisë në Kosovë. Unë besoj që do të kemi një bashkëpunim të mirë dhe të gjatë me Ministrin e Drejtësisë dhe do të nevojitet një kohe e caktuar, por besoj që do arrimë rezultate të mira së bashku”, tha Apperson.

Sipas ministrit Kuçi, të dyja palët janë pajtuar që Kosova të ketë nivel më të lartë të prezantimit në mekanizmat ndërkombëtar dhe të jetë pjesëmarrëse e barabartë në konferenca të ndryshme.

Kalendari

Ngjarjet e datës 23 Shtator 2021 - Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 10:00)

- Kandidati për Kryetar të Prishtinës, Uran Ismaili do të vizitoj Kompaninë Pastrimi në Prishtinë ku do të mbaj edhe një Konferencë për media në hapësirën e kësaj kompanie. (Kompania Pastrimi në Emshir pas stacionit të autobusëve, ora 11:30)

- Partia Socialdemokrate do të dorëzoj kallëzim penal në Prokurori. (Ndërtesa e Prokurorisë në lagjen Veternik, ora 13:00)

- Forumi i Gruas së Nismës Socialdemokrate në Malishevë mban takim elektoral, ku i pranishëm do të jetë kryetari Nismës, Fatmir Limaj dhe kandidati për kryetar të Komunës së Malishevës, Ekrem Kastrati. (Ambienti i jashtëm i shkollës fillore “Ibrahim Mazreku” në Malishevë, ora 14:00)

- Dhomat e Specializuara të Kosovës organizojnë informimin javore  në të cilin do  të  japin  një  informacion  të  përditësuar  mbi zhvillimet  e  fundit  lidhur  me  procedurat  gjyqësore  dhe  veprimtaritë  e  tjera  publike  të  gjykatës. (Online, ora 14:30)

- Forumi për Lidership dhe Diplomaci organizon ngjarjen lansuese të projektit: Promovimi i Zhvillimit Ekonomik Rajonal përmes Akademisë se Ndërmarrësisë. (Hotel Sirius, ora 16:00)

- Mbahet ceremonia e  hapjes së Kongresit te Parë Klinik të Kolegjit te Kirurgëve të Kosovës organizuar në bashkëpunim me Odën e Mjekëve të Kosovës. (Hotel Emerald, ora 17:00)