19 Qershor 2021

Kosova stagnon në fushën Zhvillimit të Politikave dhe Koordinimit

Prishtinë, 9 qershor - Grupi për Studime Juridike dhe Politike organizon tryezën e diskutimit me temë “Reformat në Administratën Publike: Ku qëndron Kosova në krahasim me vendet e rajonit për vitet 2019 dhe 2020?”.

Përgjatë tërë vitit 2020, Grupi për Studime Juridike dhe Politike së bashku me organizata të tjera në Ballkanin Perëndimor kanë monitoruar reformën e administratës publike (RAP) në të gjithë rajonin, duke ofruar një perspektivë të shoqërisë civile.

Si të kërkohet administrim më i mirë në Ballkanin Perëndimor? Pse është e rëndësishme të përfshihet shoqëria civile? Pse ka rëndësi qasja rajonale për përmirësimin e qeverisjes së mirë?

''Me përfundimin e ciklit të parë të monitorimit të projektit WeBER 2.0, ne kemi kënaqësinë të organizojmë një tryezë ku do të paraqesim të gjeturat e Raportit Kombëtar të Monitorimit të RAP 2019/2020 për Kosovën dhe një analizë krahasimore se si Kosova qëndron në krahasim me vendet e tjera të Ballkanit Perëndimor", thekson GSPJ.

Rezultatet e monitorimit sugjerojnë se Kosova ka performuar më mirë në fushën e Ofrimit të Shërbimeve mirëpo ka pasë rënie apo stagnim në pothuajsë të gjitha fushat e tjera e sidomos në fushën Zhvillimit të Politikave dhe Koordinimit, fushë në të cilën herën e kaluar ka performuar më së miri.

 

Kalendari

Ngjarjet e datës 19 Qershor 2021 - Pishina e Gërmisë hap dyert për sezonin veror 2021. (Gërmia, Prishtinë, ora 10:00)    

- Qendra Kosovare për Rehabilitimin e të Mbijetuarve të Torturës (QKRMT) dhe forumZFD promovojnë librin “Përtej dhimbjes, drejt guximit: Rrëfime për traumën e dhunës seksuale në luftë”. (Biblioteka Kombëtare, ora 11:00)

- Komisioni Qendror i Zgjedhjeve mban mbledhjen e radhës në të cilen do të shqyrtojë dhe miratojë rekomandimit për caktimin lartësisë së Shpenzimeve të Fushatës për zgjedhjet lokale 2021. (Selia e KQZ-së, ora 11:00)

- Kryetari i LDK-së, Lumir Abdixhiku, bën homazhe te varri i veprimtares Nekibe Kelmendi, në 10 vjetorin e vdekjes. (Varri i Nekibe Kelmendi, ora 12:00)

- Komuna e Mitrovicës do të bejë përurimin e rrugës së asfaltuar në fshatin Kovaqicë të Shalës së Bajgores. (Fshati Kovaqicë, ora 14:00)