17 Tetor 2021

Kosova sot po feston dyvjetorin e pavarësisë

Prishtinë, 17 shkurt - Kosova sot shënon Ditën e Pavarësisë pasi qe dy vite më parë, deputetë të Kuvendit të Kosovës në një seancë të jashtëzakonshme miratuan e Deklaratën e Pavarësisë së Kosovës dhe simbolet shtetërore.

 

Deklarata e pavarësisë, e cila përmban  12 pika, u miratua në ora 15:46, me të cilën Kosova u shpall shtet i pavarur dhe sovran. Pavarësia e Kosovës u njoh brenda 24 orëve nga shtet më të fuqishme të botës, ndërsa deri më tani është njohur nga 65 vende.

 

Krerët e institucioneve thanë se gjatë dy viteve të funksionimit të shtetit është arrtur të dëshmohet se Kosova e pavarur është faktor stabiliteti dhe paqeje në rajon. Presidenti Fatmir Sejdiu tha se në vitin e tretë të shtetësisë synim kryesor do të jetë integrimi në Bashkimin Evropian dhe në NATO. Ndërkaq, kryeministri Hashim Thaçi tha se në dy vjetorin e shtetit, Republika e Kosovës është vend i konsoliduar me të cilin secili qytetar duhet të ndihet krenar. Kryeparlamentari Jakup Krasniqi tha se vlera e pavarësisë tashmë matet në radhë të parë me përmirësimin praktik të jetës së qytetarëve.


Krerët e institucioneve të vendit thanë se shpallja e pavarësisë është rezultati i punës se dhe sakrificës së madhe të qytetarëve ndihmës së faktorit ndërkombëtar. Në seancën solemne të Kuvendit të Kosovës presidenti, Fatmir Sejdiu tha se gjatë dy viteve të funksionimit tonë kemi arritur të dëshmojmë se pavarësia e Kosovës i ka sjellur me shumë paqe dhe stabilitet rajonit. Por sipas presidentit Sejdiu në vitin e tretë të shtetësisë nevojitet angazhimi gjithëpërfshirës për integrimin sa më të shpejtë të vendit në strukturat euroatlantike.

“Ne jemi shteti më i ri në Europë dhe në botë. Kjo nuk është një përparësi, përkundrazi një pengesë në udhën e vështirë dhe plot përgjegjësi për të ardhmen tonë. Ne na duhet të punojmë dyfish më shumë për të arritur shkallën e zhvillimit të vendeve tjera. Ne na duhet të tregohemi dyfish më të kujdesshëm në procesin e përmbushjes së standardeve të kërkuara për integrime euroatlantike. Së këndejmi të gjithë duhet të jemi të vetëdijshëm se bota na shikon me llupë dhe se asnjë veprim i yni nuk mbetet i pa analizuar”, tha presidenti Sejdiu.

Ndërkaq kryeministri i Kosovës, Hashim Thaçi tha se për të mbërritur deri në këtë ditë të festës së pavarësisë, është punuar dhe sakrifikuar nga gjenerata të tëra.

“Vizionin tonë të përbashkët dhe universal për liri pavarësi dhe rend demokratik në atdheun tonë e realizuam bashkarisht me unitet të qëndrueshëm politik dhe qytetar. Pavarësia e Kosovës është meritë e çdo qytetari të Republikës së Kosovës, dhe secili duhet të ndihet krenar kudo që jeton”, kryeministri tha Thaçi.

Në dyvjetorin e shënimit të pavarësisë, sipas kryeministrit Thaçi, shteti i Kosovës është më i konsoluiduar, me një qeverisje të mirë dhe sundim të rendit dhe ligjit. Ndërkaq sfidat e së ardhmesh Thaçi tha se janë zhvillimi dhe integrimi në strukturat euroatlantike.

Kryetari i Kuvendit, Jakup Krasniqi ndërkaq tha se pavarësia e Kosovës është një realitet i pakthyeshëm, dhe se tash sipas Krasniqit nevojitet zhvillimi ekonomik dhe forcimi i sundimit të ligjit.


“Ne qytetarët e Kosovës tash kemi një armik të përbashkët të quajtur varfëri dhe interesin e lartë për jetë më të mirë, siguritë e të dinjitetshme. Vlera e pavarësisë së Kosovës matet në radhë të parë me përmirësimin praktik të jetës së qytetarëve por ne duhet ta ndërtojmë bashkë e me duar tonë të ardhmen tonë “, tha kryeparlamentari Krasniqi.

Krerët e institucioneve të vendit përmendën edhe kontributin e gjithë dëshmorëve të rënë për lirinë e Kosovës, pastaj familjet Jashari dhe Rugova si dhe të gjithë ata që kontribuuan për pavarësinë e vendit. Sejdiu, Thaçi e Krasniqi folën edhe për sukseset që janë shënuar gjatë këtyre dy viteve të funksionimit të shtetit. Anëtarësimi i Kosovës në Fondit Monetar Ndërkombëtarë dhe Bankën Botërore, mbajtja e zgjedhjeve të lira si dhe ngritja e institucioneve kushtetuese ishin disa prej të arriturave që ata i theksuan.


17 Shkurti dy vjet më parë gurthemel, ndërsa tani nisi të muroset në një traditë jo vetëm për shqiptarët me prejardhje nga kufijtë shtetëror të Kosovës, por edhe nga shqiptarë të të gjitha viseve në Ballkan të cilët e ndjejnë me po aq emocione ditën që shënoi arritjen më sublime për të gjithë idealistët që kishin ëndërruar dhe punuar për një çlirim dhe subjektivitet të Kosovës.

Që prej dy vjetësh, shqiptarët në Amerikë, apo shqiptaro-amerikanët siç quhen me një emërtim më integrues në vendin që e përqafuan, kanë edhe një datë të rëndësishme në prejardhjen e tyre kombëtare për ta shënuar, 17 Shkurtin, Datën e Shpalljes së Pavarësisë së Kosovës që disa do ta barazojnë me rëndësinë e 28 Nëntorit, datës së pavarësisë së Shqipërisë

Bashkia e qytetit të New Yorkut e ka shënuar edhe sivjet Datën e pavarësisë së Kosovës, ku morën pjesë edhe ambasadori Avni Spahiu si dhe deputeti më i vjetër i Parlamentit të Republikës së Kosovës, profesor Mark Krasniqi.

Shoqatat shqiptaro-amerikane, si ajo pan-shqiptare VATRA në New York, kanë organizuar kremtime që i janë bashkuar edhe komunitetet dhe organizimet në shumë qytete të tjera të SHBA si në Chicago, Detroit, në Dallas, e në shumë të tjerë që tashmë e kanë vendosur në kalendarin e festimeve kombëtare këtë datë historike.

Edhe Ambasada e Kosovës në Washington do të organizojë të premten një kremtim të dyvjetorit të pavarësisë me ç’rast pritet pjesëmarrja e zyrtarëve amerikanë, përfaqësuesve të korit diplomatik në kryeqytet si dhe e shumë shqiptaro-amerikanëve nga shtete të ndryshme në SHBA.

Ndërkaq, kur është fjala tek politika zyrtare e Shteteve të Bashkuara të Amerikës, është një mendim që qëndron tek zyrat e vendosjes në Washington se Kosova gjatë këtyre dy viteve ka ecur me shpejtësi përpara për ndërtimin e institucioneve demokratike, ndërsa pavarësia e saj i ka dhënë një nxitje shtesë qëndrueshmërisë dhe sigurisë në rajon.

Kalendari

Ngjarjet e datës 17 Tetor 2021 - Kryetari i Komisionit Qendror të Zgjedhjeve, Kreshnik Radoniqi voton në qendrën e votimit 1703C në Pejë ku me pas do të japë deklaratë për media për fillimin e votimit në Republikën e Kosovës. (Shkolla fillore “Lidhja e Prizrenit” në Pejë, ora 7:00)  

- Kandidati i PDK-së për kryetar të Komunës së Vushtrrisë, Ferit Idrizi voton në Shkollën “Mustafë Venhari”. (Vushtrri, ora 8:00)

- Kandidati i LDK-së për kryetar të Komunës së Fushë Kosovës, Burim Berisha voton në shkollën fillore "Bajram Curri". (Fshati Sllatinë e Madhe të Komunës së Fushë Kosovës, ora 8:00)

- Komisioni Qendror i Zgjedhjeve mban konferencën e parë për media lidhur me hapjen e qendrave të votimit. (Qendra mediale në ndërtesën e KQZ-së, ora 8:00)

- Kandidati i PDK-së për kryetar të Komunës së Drenasit, Ramiz Lladrovci voton në Shkollën “Xhevë Lladrovci”, në fshatin Gllanasellë. (Fshati Gllanasellë në Drenas, ora 9:30)

- Kandidati i PDK-së për kryetar të Komunës së Prishtinës, Uran Ismaili, voton në Shkollën Fillore “Ismail Qemali”, në kryeqytet. (Shkolla 'Ismail Qemajli' në Prishtinë,  ora 9:30)

- Kandidati i PDK-së për kryetar të Komunës së Shtimes, Naim Ismajli voton në Shkollën e Mesme "Naim Frashëri", në Qendrën e Votimit 2201E/05d. (Shtime, ora 9:30)

- Kandidati i PDK-së për kryetar të Komunës së Klinës, Esat Raci voton në fshatin Jashanicë e Ulët, në Klinë. (Fshati Jashanicë e Ulët, ora 9:30)

- Kryetari i Partisë Demokratike të Kosovës, Memli Krasniqi, voton në Shkollën Fillore "Hasan Prishtina", në Qendrën e Votimit 1909 E. (Prishtinë, ora 9:45)

- Kandidati i LDK-së për kryetar të Komunës së Vushtrrisë, Xhafer Tahiri voton në shkollën fillore “Nazmi Zhegrova”. (Fshati Stanoc i Poshtëm, ora 10:00)

- Familja Jashari dhe Kryetari i Skenderajt Bekim Jashari në mënyrë të organizuar do të bëjnë homazhe në Kompleksin Memorial "Adem Jashari", në Prekaz, pastaj do t’iu drejtohen kutive të votimit. (Prekaz, shkolla fillore "Ilir Lushtaku", në Prekaz të Poshtëm, ora 10:00)

- Kandidati i LDK-së për kryetar të Komunës së Istogut, Ilir Ferati dhe voton në shkollën fillore “Martin Camaj”. (Gurrakoc, ora 10:00)

- Kandidati i PDK-së për kryetar të Komunës së Mitrovicës, Bedri Hamza voton në Shkollën “Anton Zako Çajupi”. (Mitrovicë, ora 10:00)

- Kryetari i LDK-së, Lumir Abdixhiku voton në shkollën fillore "Faik Konica" në Prishtinë. (Shkolla Faik Konica, ora 10:00)

- Kandidati i PDK-së për kryetar të Komunës së Prizrenit, Shaqir Totaj voton Shkollën e Mesme "Remzi Ademaj" në qendrën e votimit 2001A. (Prizren, ora 10:00)

- Kandidati i Nismës Socialdemokrate për kryetar të Malishevës, Ekrem Kastrati, do të votojë në fshatin Turjakë. (Shkolla “Fehmi Agani” në fshatin Turjakë, ora 10:00)

- Kandidati i LDK-së për kryetar të Komunës së Suharekës, Dr. Ardian Shala voton në shkollën fillore "Edit Durham". (Fshati Mushtishtë, ora 10:00)

- Kandidati i PDK-së për kryetar të Komunës së Istogut, Ali Nimanaj voton në Gjimnazin “Haxhi Zeka”. (Istog, ora 10:00)

- Kandidati i PDK-së për kryetar të Komunës së Lipjanit, Hyzer Rizani voton në Shkollën Fillore “Katër Dëshmorët”, qendra 1326/02D. (Fshati Krojmir, ora 10:00)
     
- Kandidatja e LDK-së për kryetare të Komunës së Ferizajt, znj. Sibel Halimi voton në Shkollën e mesme të bujqësisë “Zenel Hajdini”. (Frizaj, ora 10:00)

- Kandidati i PDK-së për kryetar të Komunës së Skenderajt, Fadil Nura voton në fshatin Qirez, në Skenderaj. (Fshati Qirez, ora 10:00)

- Kandidati i PDK-së për kryetar të Komunës së Vitisë, Bekim Azizi voton në Shkollën Fillore “Dëshmorët e 5 Prillit” në fshatin Smirë, në Viti. (Fshati Smirë, ora 10:00)

- Kandidati i LDK-së për kryetar të Komunës së Lipjanit, Imri Ahmeti voton në  shkollën fillore "7 Marsi", në fshatin Potorovc të Komunës së Lipjanit. (Fshati Potorovc, ora 10:00)

- Kandidati i PDK-së për kryetar të Komunës së Kamenicës, Muhamed Kallaba voton në fshatin Roganë. (Kamenicë, ora 10:00)

- Shefi i Misionit të Vëzhgimit të Zgjedhjeve të Bashkimit Evropian Lukas Mandl jep detaje për procesin zgjedhor. (Fakulteti i Filologjisë, ora 10:30)

- Kandidati i LDK-së për kryetar të Komunës së Vitisë, Sokol Haliti voton në shkollën fillore "Ahmet Hajdari". (Fshati Begunc të Komunës së Vitisë, ora 10:30)

- Kandidati i PDK-së për kryetar të Komunës së Rahovecit, Bejtullah Deliu, voton në Shkollën "Xhelal Hajda". (Rahovec, ora 10:30)

- Presidentja e Republikës së Kosovës, Vjosa Osmani, në zgjedhjet lokale do të votojë në qendrën e votimit në Fakultetin Teknik. (Fakultetin Teknik në Prishtinë, ora 11:00)

- Kandidati për kryetar të Komunës së Prizrenit nga Lëvizja Vetëvendosje!, prof. dr. Mytaher Haskuka, do të votojë në shkollën e mesme të lartë teknike “11 Marsi”. (Prizren, ora 11:00)

- Kandidati i LDK-së për kryetar të Komunës së Prishtinës, Përparim Rama voton në Fakultetin Ekonomik qendra 1913E. (Fakulteti ekonomik, ora 11:00)

- Kandidati i PDK-së për kryetar të Komunës së Malishevës, Isni Kilaj voton në fshatin Lubizhdë në Malishevë. (Fshashti Lubizhdë në Malishevë, ora 11:00)

- Kandidati i LDK-së për kryetar të Komunës së Gjilanit, Lutfi Haziri voton në shkollën fillore "Abaz Ajeti". (Gjilan, ora 11:00)

- Kandidatja e PDK-së për kryetare të Komunës së Deçanit, Ardiana Qorraj voton në Shkollën e mesme të ulët "Lidhja e Prizrenit", në Qendrën e votimit 0101X/04R. (Fshati Carrabreg i Ulët,  ora 11:00)

- Kandidatja e LDK-së për kryetare të Komunës së Deçanit, znj. Hyri Dobrunaj voton në Gjimnazin “Vëllezërit Frashëri”. (Deçan, ora 11:00)

- Kandidati i LDK-së për kryetar të Komunës së Podujevës, Ekrem Hyseni voton në shkollën fillore "Luigj Gurakuqi”. (Fshati Batllavë, ora 11:00)

- Komisioni Qendror i Zgjedhjeve mban konferencën e dytë për media lidhur me pjesëmarrjen në votime dhe ecurinë e procesit zgjedhor. (Qendra mediale në ndërtesën e KQZ-së, ora 11:30)  

- Kandidati i LDK-së për kryetar të Komunës së Prizrenit, Anton Quni voton në  shkollën fillore "Avdyl Frashëri". (Prizren, ora 11:30)

- Kandidatja e PDK-së për kryetare të Komunës së Podujevës, Floretë Zejnullahu, voton në Shkollë Fillore "Ali Ajeti”, në Qendrën e Votimit 1830e/01. (Fshati Lladofc në Podujevë, ora 11:30)

- Kandidatja për kryetare të Komunës së Gjakovës, Arbënesha Kuqi, voton në Shkollën Fillore "Yll Morina". (Gjakovë, ora 12:00)

- Kandidati i LDK-së për kryetar të Komunës së Pejës, Gazmend Muhaxheri voton , në shkollën fillore "Lidhja e Prizrenit". (Pejë, ora 12:00)

- Kryetari i Nisma Socialdemokrate, Fatmir Limaj, do të votojë në shkollën fillore “Faik Konica”. (Shkolla 'Faik Konica' në Prishtinë, ora 12:00)

- Shefi i Misionit të Vëzhgimit të Zgjedhjeve të Bashkimit Evropian Lukas Mandl jep detaje për procesin zgjedhor. (Shkolla “Sveti Sava”, Mitrovicë Veriore, ora 13:30)

- Kandidati i LDK-së për kryetar të Komunës së Mitrovicës Dr. Armend Agolli voton në shkollën fillore “Migjeni” në Tavnik. (Mitrovicë, ora 13:30)

- Komisioni Qendror i Zgjedhjeve mban konferencën e tretë për media lidhur me pjesëmarrjen në votime dhe ecurinë e procesit zgjedhor. (Qendra mediale në ndërtesën e KQZ-së, ora 15:30)

- Misioni vendor për vëzhgimin e zgjedhjeve “Demokracia në Veprim” organizon konferencën për media, ku do të shpalosen të gjeturat kryesore lidhur me mbarëvajtjen e procesit zgjedhor deri në mbylljen e vendvotimeve. (Zyrat e Institutit Demokratik të Kosovës, ora 19:00)

- Kandidati i LDK-së  për kryetar të Komunës së Gjilanit, Lutfi Haziri, mban konferencë për media. (Selia e LDK-së, ora 19:01)

- Komisioni Qendror i Zgjedhjeve mban konferencën e katërt për media lidhur me pjesëmarrjen në votime dhe mbylljen e vendvotimeve. (Qendra mediale në ndërtesën e KQZ-së, ora 19:30)

- Partia Demokratike e Kosovës mban konferencë për media lidhur me mbarëvajtjen e procesit zgjedhor. (Selia qendrore e PDK-së, ora 19:30)