31 Korrik 2021

Kosova falënderon Arabinë Saudite

Riad,  mars - Drejtori i Përgjithshëm i Ministrisë së Punëve të Jashtme të Republikës së Kosovës, Lulzim Mjeku, bashkë me të ngarkuarin me punë në Arabinë Saudite Rexhep Bojën, takuan Zëvendës Ministrin e Punëve të Jashtme të Mbretërisë së Arabisë Saudite, shkëlqesinë e tij Alaudin Askeri, në vizitë falënderuese këtij vendi mik të shtetit e të popullit të Kosovës.

Në takimin në Riad, diplomatet e Kosovës e falënderuan zëvendësministrin Askeri për përkrahjen që Arabia Saudite i ka dhënë Kosovës në vitet e kaluara e sidomos për aktin e njohjes së Kosovës shtet i pavarur.
 
Akordimi i njohjes nga ana e Arabisë Saudite është dëshmuar të ketë rol stabilizues në rajon, sidomos për faktin e peshës se njohja ka ardhë nga një shtet i fuqishëm rajonal, tha pala kosovare.

Në bisede miqësore bashkëbiseduesit shfaqen bindjen se pas njohjes dhe vendosjes së marrëdhënieve diplomatike ndërmjet Republikës së Kosovës dhe Mbrëterisë së Arabisë Saudite, intensifikimi i marrëdhënieve dypalëshe duhet të bëhet në planin e zhvillimit ekonomik e social të Kosovës.
 

Kalendari

Ngjarjet e datës 31 Korrik 2021

- Qendra për Informim dhe Përmirësim Social në bashkëpunim me Ambasadën Gjermane dhe Komunën e Prishtinës organizon për herë të parë Panairin e Vullnetarëve të Shëndetit Mendor. (Biblioteka Kombëtare “Pjetër Bogdani”, ora 10:00)

- Federat e Futbollit të Kosovës organizon workshop-in rreth sistemit VAR. (Kampi Edukativ Nacional në Hajvali, ora 17:00)