03 Gusht 2021

Komunat, rol të rëndësishëm në liberalizimin e vizave

Prishtinë, 4 prill - Në kuadër të procesit për ri-integrimin e personave të ri-atdhesuar dhe koordinimit institucional mes nivelit qendror  dhe atij lokal, Ministrja e Integrimeve Europiane znj. Vlora Çitaku, Ministri i Administrimit të Pushtetit  Lokal, Slobodan Perovic dhe  Ministri i Punëve të Brendshme, Bajram Rexhepi takuan përfaqësuesit komunal të  Zyrave komunale për kthim dhe komunitete dha ata për integrime Europian.

Në kuadër të takimit të procesit për ri-integrimin e personave të ri-atdhesuar, gjatë fjalës hyrëse, Ministrja e Integrimeve Europiane, znj. Vlora Çitaku  potencoi me një theks të veçantë, se procesi i ri-integrimit të personave të riatdhesuar është një proces mjaft i rëndësishëm për Kosovën, dhe se lidhet drejtpërdrejtë me liberalizmin e vizave dhe marrëveshjen e Kosovës për tregti të lirë me BE- në. 

Po ashtu znj. Çitaku kërkoi nga zyrtarët komunal që procesi i ri-integrimit të vendoset si një prioritet i rëndësishëm për komunat dhe të punohet më përkushtim serioz në këtë drejtim

Ministri  i Administrimit të Pushtetit Lokal, Slobodan Petrovic tha se komunat kanë rol të rëndësishëm në procesin e ri-integrimit dhe se procesi i riatdhesimit dhe ri-integrimit është një ndër pikat kryesore drejt liberalizimit të vizave ku një rol mjaft të rëndësishëm në këtë proces e kanë komunat përkatësisht zyrat komunale për komunitete dhe kthim.


Në mënyre që procesi i  ri-integrimit të zhvillohet në mënyrë sa më të suksesshme dhe pa implikime buxhetore, Zëvendëskryeministri Petrovic njoftoi se Qeveria e Kosovës ka ndarë 3.5 milon euro për realizimin e këtij procesi.

Zëvendëskryeministri Petrovic, kërkoi nga zyrtarët komunal që të përgatiten të dhëna të sakta lidhur me statistikat e personave të riatdhesuar në mënyrë që ky proces të realizohet mbi bazën e raportimit faktit dhe të drejtë nga vet komunat.

Zëvendëskryeministri  Petrovic, tha se Ministra e Administrimit të Pushtetit Lokal do të ofroj mbështetje të vazhdueshme për komunat në procesin e ri-atdhesimit dhe se me gjitha kapacitetet  që ka do të jetë në dispozicion të komunave në mënyrë që ky proces të zbatohet me sukses.

Duke folur për rëndësinë që kanë komunat në procesin  e ri-integrimit të personave të riatdhesuar, Ministri i Punëve të Brendshme Bajram Rexhepi tha se destinimi kryesor i personave që do të kthehen është komuna, andaj përkushtimi i komunave në këtë drejtim duhet të jetë i një niveli mjaft të lartë. 

Duke theksuar rëndësinë e veçantë që ka procesi i  riatdhesimit z. Rexhepi procesi i  ri-integrimit  të   personave të ri-atdhesuar është proces me interes nacional dhe politik për vendin.
 

Kalendari

Ngjarjet e datës 3 Gusht 2021

- Kuvendi i Republikës së Kosovës vazhdon seancën plenare në të cilën mbahet debat parlamentar lidhur me punën njëqind ditore të Qeverisë së Republikës së Kosovës. (Kuvendi i Kosovës, ora 10:00)

- Ministria e Kulturës, Rinisë dhe Sportit dhe Zyra e UNICEF-it në Kosovë shënojnë hapjen e Muajit të Rinisë me mundësi të punës praktike për 900 të rinj. (Parku i Gërmisë tek fusha e basketbollit, pranë Qendrës Rekreative, ora 10:00)

-  Komisioni për Mbikëqyrjen e Financave Publike shqyrton raportin e auditimit për pasqyrat financiare vjetore të Kompanisë “Telekomi i Kosovës” me të ftuar Kryeshefin ekzekutiv dhe Kryesuesin e Bordit. (Ndërtesa e Kuvendit, salla N506, ora 10:00)

- ATRC në bashkepunim me CSGD organizojnë tryezën e diksutimit në të cilën do të shpalosen rezultatet e raportit të “Hate O Meter” i cili është hulumtim mbi Gjuhën e Urrejtjes në Mediat Kosovare . (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 11:00)

- Kryetari i PDK-së Dega në Prizren, Shaqir Totaj mban konferencën e radhës për media. (Sheshi Shatërvan, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 14:00)