04 Tetor 2022

Komuna e Rahovecit shënon rritje në Indeksin e Transparencës

Prishtinë, 31 maj - Komuna e Rahovecit shënon rritje në Indeksin e Transparencës për Qeverisjen Komunale të Institutit Demokratik të Kosovës (KDI) për vitin 2021, duke u renditur në vendin e dytë nga vendi i pestë ku ishte në vitin 2020, në mesin e të gjitha komunave në Republikën e Kosovës.

Ky rezultat nxirret nga 87 tregues të KDI-së, të shtrirë në tetë politika publike si prokurimi publik në nivel komunal, buxhetimi dhe financat publike, qasja në dokumente dhe informacion publik, pjesëmarrja publike, grantet dhe subvencionet, etika profesionale dhe konfliktii i interesit, menaxhimi i pronës publike, ndërmarrjet dhe organizatat komunale.

Ndonëse 2021 një vit pandemie, Komuna e Rahovecit për asnjë herë të vetme nuk gjeti justifikime për të hequr dorë nga llogaridhënia publike.

 Ky është një sukses i radhës për Komunën tonë, e cila po sofistikon për çdo ditë e më shumë mekanizmat që mundësojnë qeverisjen me transparencë para qytetarëve dhe organizatave monitoruese.

 Përveç transparente, Komuna e Rahovecit përfshin qytetarët në qeverisje, duke i bërë ata pjesë të vendimmarrjes, përmes pranimit së propozimeve, këshillave si dhe kritikave të tyre.

Ky është një sukses i të gjithë qytetarëve të Rahovecit, që interesohen për qeverisjen komunale si dhe i të gjithë punëtorëve të administratës dhe drejtorëve të drejtorive përkatëse, për punën e palodhshme, me etikë dhe integritet të lartë.

Falënderojmë Institutin Demokratik të Kosovës (KDI) dhe SlovakAid – Asistenca Zyrtare për Zhvillimin e Republikës Sllovake për vlerësimin korrekt të punës së Komunës sonë, përmes Indeksit të Transparencës për Qeverisjen Lokale, që është lansuar sot.
 

Kalendari

Ngjarjet e datës 4 tetor 2022 - Komisioni për Punë të Jashtme dhe Diasporë takohet me delegacionin e administratës së Parlamentit të Republikës së Austrisë. (Ndërtesa e Kuvendit, salla C203, ora 8:30)

- Misioni i Organizatës për Siguri dhe Bashkëpunim në Evropë organizon ceremoninë zyrtare të nënshkrimit të Memorandumit të Mirëkuptimit ndërmjet komunave të rajonit, Prishtinës, Obiliqit, Lipjanit, Podujevës dhe Fushë Kosovës dhe Qendrës për Mbrojtjen e Grave dhe Fëmijëve në Prishtinë. (Hotel Amazona, ora 10:00)

- Instituti Demokratik i Kosovës organizon tryezën e diskutimit gjatë të cilës do të shpalosën të gjeturat nga analiza e procedurave të prokurimit publik lidhur me shpenzimet publike të realizuara nga Ministria e Shëndetësisë dhe Shërbimi Spitalor Klinik Universitar gjatë periudhës 2020 – 2022. (Restorant Boho, ora 10:00)  

- Komisioni për Mbikëqyrjen e Financave Publike shqyrton raportin e Auditorit të Përgjithshëm për Raportn Vjetor Financiar të Buxhetit të Republikës së Kosovës për vitin 2021. (Ndërtesa e Kuvendit, salla N302, ora 11:00)

- Në kuadër të aktiviteteve kulturore artistike brenda institucioneve korrektuese, nesër në Qendrën Korrektuese për Femra në Lipjan, do të shfaqet Filmi “ Sffaragette”. (Qendra Korrektuese për Femra Lipjan, ora 11:00)

- Me rastin e 4 Tetorit, “Ditës Botërore për Mbrojtjen e Kafshëve”,  Ministria e Mjedisit, Planifikimit Hapësinor dhe Infrastrukturës në bashkë organizim me Agjencia e Ushqimit dhe Veterinarisë, OJQ-në Fondacioni për Mbrojtjen e të Drejtave të Kafshëve si dhe Fondacioni për mbrojtjen e kafshëve Vier Pfoten Kosova do të shënojmë këtë ditë në Pyllin e Arinjve Prishtina. (Fshati Mramor, afër liqenit të Badovcit, ora 11:00)
 
- Qendra Kryesore e Mjekësisë Familjare në Rahovec, përgjatë gjithë muajit tetor, si muaji i ndërgjegjësimit për kancerin e gjirit, çdo ditë pune ofron shërbimin e mamografisë falas për të gjithë. (Rahovec, ora 11:00)

- Ministri i Financave, Punës dhe Transfereve, Hekuran Murati së bashku me Ministren e Financave dhe Ekonomisë të Shqipërisë, Delina Ibrahimaj, Drejtorin e Përgjithshëm të Doganave të Kosovës Agron Llugaliu dhe Doganës së Shqipërisë Genti Gazheli do të inspektojnë punët në hapësirat e përbashkëta të Portit të Durrësit. (Porti i Durrësit, ora 12:00)

- Kryetari i Kuvendit të Republikës së Kosovës, Glauk Konjufca, pret në takim ambasadorin e Francës, Olivier Guerot. (Kabineti i kryetarit, ora 12:00 - Mediat mund të marrin pamje në fillim të takimit!)

- Komisioni për Ekonomi, Industri, Ndërmarrësi dhe Tregti shqyrton në parim i Projektligjit për Sigurinë e përgjithshme të produkteve si dhe formon grupin e punës për mbikëqyrjen e zbatimit të Ligjit për komunikimet elektronike. (Ndërtesa e Kuvendit, salla N10, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ=së, ora 13:30)