09 Dhjetor 2022

Komuna e Gjilanit themelon Komitetin për komunitete

Gjilan, 17 maj - Komiteti për komunitete në Gjilan ka zgjedhur sot Kemal Shahinin për kryesues të kësaj trupe komunale, në një mbledhje konstituive, të cilën e ka udhëhequr kryesuesi i Kuvendit, Arianit Sadiku.  

Sadiku ka kërkuar nga anëtarët e Komitetit që të punojë në unitet, duke i rikujtuar ata se harmonia brenda këtij komiteti reflektohet edhe në jetën e komuniteteve jashtë.

‘E di nga praktika e mëhershme se Komiteti për komunitete në Gjilan ka qenë shembull për të gjitha komunat tjera sa i përket bashkëpunimit të mirë, korrekt dhe të sinqertë dhe si rezultat i këtij mirëkuptimi, shpeshherë kemi përfituar edhe donacione të ndryshme prej organizatave të huaja’, ka thënë kryesuesi Sadiku.

Ai i ka ftuar anëtarët e Komitetit që ta vazhdojnë këtë praktikë të mirë edhe në këtë mandat, ndërkohë që ka premtuar mbështetjen e tij dhe të Kuvendit për nismat dhe projektet që vijnë nga kjo trupë komunale.    

Ndërkaq, Kemal Shahin, i cili u zgjedh në krye të këtij Komiteti për herë të shtatë, duke qenë anëtari më i vjetër i tij, premtoi se do të vazhdojë të punojë sikur deri më tani, për të gjitha komunitetet pa dallim.

‘Gjilani njihet për tolerancë dhe bashkëpunim me komunitetet dhe për këtë meritor janë qytetarët’, tha Shahin.   

Komiteti për komunitete ka 7 anëtarë, 4 prej tyre nga radhët e komuniteti turk, serb e rom, ndërsa tre të tjerët janë shqiptarë dhe vijnë nga subjektet politike të përfaqësuara në Kuvend – LDK, LVV, PDK.     

Anëtarë të kësaj përbërje janë: Drenushë Maloku (LDK), Besnik Shala (LVV), Suzana Selimi (PDK), Kemal Shahin e Songyl Poçinka (komuniteti turk), Nenad Gjorgjeviq (komuniteti serb) dhe Vebi Ramadani (komuniteti rom).  

Kalendari

Ngjarjet e datës 9 dhjetor 2022 - Kryeministri i Republikës së Kosovës, Albin Kurti, presidentja Vjosa Osmani-Sadriu dhe kryetari i Kuvendit, Glauk Konjufca, marrin pjesë në dëgjimin publik për Projektligjin për Liritë Fetare. (Ndërtesa e Qeverisë, ora 9:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Raportit për Projektligjin Agjencinë Kosovare për Krahasim dhe Verifikim të Pronës, Projektligjin për Bujqësi dhe Zhvillim Rural, etj. (Ndërtesa e Kuvendit, salla N302, ora 9:30)

- Komisioni për të Drejtat dhe Interesat e Komuniteteve dhe Kthim shqyrton Projektligjin për parandalimin dhe kontrollin e integruar të ndotjes, me raport amendamente të Komisionit funksional për Mjedis, Ushqim, Bujqësi, Planifikim dhe Zhvillim, etj. (Ndërtesa e Kuvendit, salla N10, ora 9:45)

- Instituti i Kosovës për Drejtësi organizon konferencë për media, ku do të publikohet raporti me titull “Qeverisja me duar të pastërta”, raport ky mbi deputetët, ministrat dhe kryetarët e komunave, të cilët kanë probleme me ligjin. (Hotel Sirius, ora 10:00)

- Gjykata Kushtetuese organizon “Ditën e Gjykatës së Hapur” në shënim e Ditës Ndërkombëtare të të Drejtave të Njeriut. (Gjykata Kushtetuese, ora 10:00)

- Për të shënuar 9 dhjetorin, Ditën Ndërkombëtare kundër Korrupsionit, Koalicioni i Organizatave të Shoqërisë Civile dhe Mediave, do të mbajnë një konferencë me temën “Fuqizimi i Kapaciteteve të Shoqërisë Civile për luftimin e korrupsionit”. (Hotel Sirius, ora 10:00)

- Kuvendi i Republikës së Kosovës vazhdon seancën plenare. (Kuvendi i Kosovës, ora 10:00)

- Ministrja e Drejtësisë, Albulena Haxhiu bashkëbisedon me studentët e Kolegjit AAB për temën mbi dhunën në bazë gjinore. (Kolegji AAB, ora 10:30)

- Rreth 60 punëtor teknik dhe ata te sigurimit fizik qe punojnë në Qendrat e Mjekësisë Familjare disa shkolla te Prishtinës  do te protestojnë me kërkesën për rritje të pagave. (Para komunës se Prishtinës, ora 11:00)

- Këshilli Rinor Kosovar organizon Kuvendin Zgjedhor të Këshillit të Nxënësve të Kosovës në nivel vendi. (Amfiteatri i Ministrisë së Drejtësisë, ora 13:00)

- Instituti i Kosovës për Drejtësi organizon aktivitet me studentët e Klinikës Ligjore të IKD– së, ku do të bëhet prezantimi i shpalljes së simuluar të një aktgjykimi të një rasti të korrupsionit. (Sheshi Skënderbeu në Prishtinë, ora 13:30)

- Lidhja Demokratike e Kosovës mban konferencë për medie. (Selia qendrore e LDK-së, ora 13:30)

- Ministrja e Drejtësisë, Albulena Haxhiu merr pjesë në një tryezë me gratë në Komunën e Mitrovicës. (Restaurantin "Va Piano", ora 15:00)

- Me rastin e 5 vjetorit të ndarjes nga jeta të artistit, Blerim Peci, Komuna e Mitrovicës, në bashkëpunim me artistë, familjarë e miq të ish të ndjerit organizojnë takimin përkujtimor për të ndarë së bashku kujtime të bukura e të pashlyeshme për të. (Qendra e Kulturës "Rexhep Mitrovica", ora 17:00)

- Ministrja e Drejtësisë, Albulena Haxhiu merr pjesë në shfaqjen e filmit "Zgjoi". (Kino Armata, ora 17:00)