07 Dhjetor 2021

KE-ja përkrah aktivitetet për respektimin e të drejtat e njeriut

Prishtinë, 9 shkurt - Sot, Qendra Kosovare për Rehabilitimin e të Mbijetuarve të Torturës (QKRMT) dhe Zyra ndërlidhëse e Komisionit Evropian (KE) mbajtën një konferencë të përbashkët për shtyp me rastin e publikimit të raportit vjetor të QKRMT-së për 2009 “Standardet e të drejtave të njeriut në qendrat korrektuese, qendrat e paraburgimit dhe dhomat e policisë për ndalime në Kosovë”.

Për vitin e dytë me radhë, QKRMT-ja po publikon një raport që e paraqet gjendjen lidhur me respektimin e standardeve për të drejtat e njeriut në qendrat korrektuese, qendrat e paraburgimit dhe dhomat e policisë për ndalime në Kosovë. Raporti regjistron veprimet e kryera dhe progresin e arritur pas rekomandimeve të mëhershme të organizatës së shoqërisë civile. Si për shembull, në fushën e përkujdesjes mjekësore ka pasur përmirësime deri në një masë të caktuar. Megjithatë, ende ka nevojë për ndryshime.

Në konstatimet e saj për 2009, QKRMT-ja vazhdon t’iu propozojë masa konkrete autoriteteve kompetente për të dëshmuar dhe shtuar përkushtimin e tyre për të vënë në zbatim standarde ndërkombëtare për të drejtat e njeriut në të gjitha pikat e paraburgimit, në përputhje me legjislacionin përkatës të Kosovës.

Khaldoun Sinno, Shef i sektorit politik, ekonomik dhe integrimeve evropiane në Zyrën ndërlidhëse të KE-së tha: "Komisioni Evropian e mirëpret një shoqëri civile të fuqishme në Kosovë që vepron si ndërmjetësues mes qytetarëve dhe autoriteteve dhe avokon për pjesët më të ndjeshme dhe të neglizhuara të shoqërisë. Prandaj, ne jemi veçanërisht të kënaqur që e mbështesim këtë projekt të implementuar nga QKRMT-ja nëpërmjet Instrumentit Evropian për Demokraci dhe të Drejtat e Njeriut."

"Qasja në qendrat e paraburgimit është qenësore për të vlerësuar respektimin e të drejtave të njeriut në këto qendra, për parandalimin e shkeljes së të drejtave të njeriut dhe për të kontribuar në transparencë dhe llogaridhënie të rritur të Shërbimit korrektues të Kosovës dhe të Policisë së Kosovës", u shpreh Feride Rushiti, drejtore e QKRMT.

QKRMT-ja ka monitoruar pikat e paraburgimit nëpër Kosovë për gati tri vite. Që prej janarit 2009, QKRMT-ja i ka realizuar aktivitetet e saja monitoruese në kuadër të projektit “Parandalimi i torturës dhe i formave të tjera të shkeljes së të drejtave të njeriut  në pikat e paraburgimit në Kosovë”, projekt i përkrahur nga Mbrojtësit e të Drejtave Civile (CRD) dhe Zyra ndërlidhëse e Komisionit Evropian në kuadër të Instrumentit Evropian për Demokraci dhe të Drejtat e Njeriut (EIDHR).
 

Kalendari

Ngjarjet e datës 7 dhjetor 2021 - Zyra e Rregullatorit për Energji organizon konferencën për integrimin e tregut të energjisë elektrike. (Hotel “Swiss Diamond”, ora 9:00)

-  Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjit për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Ndërtesa e Kuvendit, salla N506, ora 10:00)

- Mbahet ceremonia inauguruese e pranim dorëzimit të detyrës së Kryetarit të Prishtinës ku edhe do të bëhet betimi dhe nënshkrimi i deklaratës solemne për marrjen e detyrës së Kryetarit të ri të Komunës së Prishtinës, Përparim Rama si dhe betimi i anëtarëve të ri të Kuvendit të Komunës së Prishtinës. (Salla e Kuvendit të Komunës së Prishtinës, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Lëvizja FOL në partneritet me Misionin e Bashkimit Evropian për Sundimin e Ligjit në Kosovë bën lansimin e Raportit “Pajisjet elektronike: fokusi në parandalimin e rasteve të dhunës në familje”. (Hotel Emerald, ora 10:00)

-  Komisioni për Buxhet, Punë dhe Transfere shqyrton Projektligjit mbi Ndarjet Buxhetore për Buxhetin e Republikës së Kosovës për vitin 2022. (Ndërtesa e Kuvendit, salla C203, ora 10:00)

- Komuna e Rahovecit organizon shënimin e Ditës së Bibliotekës Komunale “Sulejman Krasniqi”. (Salla e Kuvendit të Komunës së Rahovecit, ora 11:00)

- Me rastin e Ditës së Bibliotekës Komunale “Sulejman Krasniqi” udhëheqes të Komunës së Rahovecit vizitojn shkollën e mesme të lartë  "Heronjtë e Kosovës" në Hoçë të Vogel. (Fshati Hoçë, ora 11:00)

- Qendra për Informim, Kritikë dhe Aksion së bashku me disa organizata të tjera feministe organizon aksion simbolik lidhur me aktgjykimin seksist të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare në vitin 2012. (Para Këshillit Gjyqësor të Kosovës, ora 12:00)

- Komisioni për Ekonomi, Industri, Ndërmarrësi dhe Tregti mban dëgjim publik për Pakon e projektligjeve të pronësisë industriale si Projektligji për topografitë e gjysmëpërçuesve; Projektligji për dizajnin industrial, si dhe projektligji për patentat. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton Projektligjin për Odat e Arkitektëve dhe Inxhinierëve në fushën e ndërtimit dhe  planin e performancës për vitin 2022 nga Agjencia për menaxhimin e komplekseve memoriale të Kosovës (Ndërtesa e Kuvendit, salla N302, ora 13:00)