Prishtinë, 28 shkurt - Koordinatori i Qeverisë për veriun e Kosovës, Ylber Hysa ka thënë se dialogu Prishtinë-Beograd është “shans për të gjithë”, por që ky i fundit duhet të pranojë realitetin në Kosovë.
 
Sipas tij, të dy palët duhet t’i qasen dialogut si fqinjë të mirë, në frymën e integrimeve euro-atlantike.

Hysa ka thënë për ”Tanjugun” se Beogradi nuk mund të ndikojë në ndryshimin e realitetit në Kosovë dhe se serbëve të këtushëm nuk mund t’u ndihmojë duke i “monopolizuar”, por duke iu ndihmuar në integrim të shoqërisë kosovare.