01 Gusht 2021

Hungaria mbështet integrimin Kosovës në Bashkimin Evropian

Prishtinë, 28 shkurt - Kryetari i Kuvendit të Republikës së Kosovës, dr. Jakup Krasniqi, kishte sot një takim me  ambasadorin e Hungarisë në Kosovë,  Lorant Balla.

Me këtë rast ambasadori Balla përgëzoi kryekuvendarin Krasniqi për rizgjedhje në këtë post.

Në këtë frymë ai tha se Hungaria përshëndet formimin institucioneve të Kosovës të dala nga zgjedhjet e fundit.

Ambasadori vlerësoi lart bashkëpunimin ndërmjet parlamenteve të Hungarisë dhe Kosovës, duke propozuar edhe binjakëzim ndërmjet  administratave të këtyre parlamenteve.

 Në vijim ambasadori hungarez tha se Hungaria mbështet integrimin Kosovës në Bashkimin Evropian, ashtu siç përkrah edhe integrimin e të gjitha shteteve të tjera të Ballkanit në këtë bashkësi.

Po kështu, ambasadori Balla tha se Hungaria mbështet edhe liberalizimin e vizave për qytetarët e Kosovës.

Kryekuvendari Krasniqi falënderoi  ambasadorin  hungarez për urimet dhe vizitën, duke theksuar njëherësh se Kosova dhe Parlamenti kanë nevojë për mbështetje nga ana e Hungarisë, sepse kanë çka të mësojnë nga praktikat demokratike e parlamentare hungareze.

Bashkëbiseduesit ishin unik në konstatimin se parlamentet e Hungarisë dhe Kosovës kanë arritur një bashkëpunim shumë të mirë, duke uruar që ky bashkëpunim të jetë edhe më i gjerë e frytdhënës.

 

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)