19 Tetor 2021

Hungaria dhe Danimarka urojnë Sejdiun

Prishtinë, 15 shkurt - Presidenti i Republikës së Kosovës, dr. Fatmir Sejdiu, me rastin e përvjetorit të dytë të pavarësisë së Kosovës, ka marrë mesazhe urimi nga Presidenti i Hungarisë, Laszló Sólyom si dhe nga Mbretëresha e Danimarkës, Margrethe II, tekstet e të cilave po i japim në vijim:

Mesazhi i Presidentit të Hungarisë, Laszló Sólyom

Me rastin e Ditës Kombëtare të Kosovës, më lejoni që në emër të Republikës së Hungarisë, t’ju shprehë urimet e mia më të mira për popullin e Kosovës.

Z. President, pranoni ndjenjën e konsideratës sime më të lartë.

Mesazhi i Lartmadhërisë së Saj, Mbretëresha e Danimarkës, Margrethe II

Me rastin e Ditës së Pavarësisë së Republikës së Kosovës, ju lutem pranoni, z. President përshëndetjet e mia të përzemërta dhe urimet më të mira për mirëqenien tuaj personale, për lumturinë dhe prosperitetin e popullit të Republikës së Kosovës.
 

 

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)