16 Tetor 2021

Haki Rugova kandidat i LDK për kryetar të komunës së Istogut

Prishtinë, 5 mars - Lidhja Demokratike e Kosovës (LDK) tashmë ka zgjedhur kandidatin qe do të garojë në këto zgjedhje për kryetar të Komunës së Istogut. Ky është Haki Rugova, i cili edhe më herët ka ushtruar detyra me rëndësi komunale.

Këtë e konfirmoi edhe nënkryetari i LDK së, Lutfi Haziri, i cili tha se LDK ja është në përgatitje e sipër për zgjedhjet në Istog.

"Haki Rugova ka qenë zëvendëskryetar i komunës, kryeshef ekzekutiv në atë komunë, zëvendëskryetar i degës së LDK së, është njeriu më i afërt dhe më kompetent si pjesë e këtyre zhvillimeve dhe besoj se është emri konsensual, i cili do të jetë trashëgimtar i postit të kryetarit të komunës", ka thënë Haziri. Zgjedhjet e parakohshme për kryetar të komunës së Istogut mbahen më 11 prill.

Kalendari

Ngjarjet e datës 16 Tetor 2021

- Misioni vendor për vëzhgimin e zgjedhjeve “Demokracia në Veprim” do të organizojë konferencë për media, ku do të shpalosen të gjeturat kryesore nga vëzhgimi i fushatës për zgjedhjet lokale të 17 tetorit. (Zyrat e KDI-së, rruga “Bajram Kelmendi”, ora 10:00)
 
- Komisioni Qendror i Zgjedhjeve bën shpërndarjen e materialit kryesor zgjedhor, ku bëjnë pjesë edhe fletëvotimet, për Zgjedhjet Lokale 2021. (Depoja qendrore e KQZ-së, përballë QNR-së, ora 10:00)

- Federata e Pingpongut organizon në bashkëpunim me KPP ‘Gani Maloku’ kanë paraparë organizimin e turneut të dytë memorial të veteranëve në nder të Gani Malokut.. (SHMU Tefik Çanga në Ferizaj, ora 14:00)