07 Maj 2021

GLPS do i propozoj qeverisë disa nga veprimet më urgjente që duhet ndërmarrë

Prishtinë, 10 prill - Grupi për Studime Juridike dhe Politike (GLPS) organizon konferencën për media me temë “Disa nga veprimet më urgjente për Qeverinë Kurti II”.

Qeveria e Kosovës pritet të ballafaqohet me një numër çështjesh të rëndësisë së lartë, e në veçanti me menaxhimin e situatës pandemike në vend dhe sanimin e pasojave që u shkaktuan tashmë për më shumë se një vit.

Në të njejtën kohë sipas GLPS-se, Qeveri e Kosovës pritet të angazhohet edhe në një sërë procesesh të tjera shumë të rëndësishme për vendin.

Në rrafshin e brendshëm, rimëkëmbja ekonomike mbetet fokusi kryesor i qeverisë. Të rëndësisë së njëjtë mbesin edhe reforma në sistemin e drejtësisë, në administratën publike, arsim dhe mbrojtje të ambientit.

Kurse në rrafshin e jashtëm, mbetet prioritet dialogu me Serbinë, shërbimi i jashtëm, perspektiva evropiane, dhe jo vetëm.

Në këtë konferencë për media, GLPS do i propozoj qeverisë disa nga veprimet më urgjente që duhet ndërmarrë qysh nga fillimi i mandatit.

Kalendari

Ngjarjet e datës 7 Maj 2021

- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me mbrojtësit e viktimave. (Pallati i Drejtësisë, ora 9:30)

- Lëvizja FOL organizon tryezë diskutimi me ç’rast publikon raportin “Realizimi i Planit të Punës së KPK-së dhe PSh-së për vitin 2020”. (Hotel Sirius, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton Propozim-vendimit e Avokatit të Popullit lidhur me zgjedhjen e 5 zëvendësve të Avokatit të Popullit. (Ndërtesa e Kuvendit, salla N303, ora 10:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit viziton Qendrën për Mbrojtjen e Grave dhe Fëmijëve. (Strehimorja, Ulpianë, ora 10:45)
    
- KDI mban konferencë për medie ku do të shpalosën të gjeturat e hulumtimit mbi transparencën e komunave të Kosovës në prokurim publik, për vitin 2020. (Zyret e KDI-së, ora 11:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me Njësitin Kundër Dhunës në Familje-Policia e Kosovës. (Drejtoria e Përgjithshme e Policisë së Kosovës, ora 11:45)
    
- Ambasadori i BE-së në Kosovë, Tomas Szunyog, do ta ndajë çmimin “Evropiani i Vitit 2021”, i cili jepet për të gjashtën herë radhazi nga BE-ja. (Shtëpia e Evropës, ora 13:00)