07 Dhjetor 2021

Gjermania premton ndihmë për Kosovën edhe në të ardhmen

Prishtinë,  11 shkurt - Kryetari i Kuvendit të Republikës së Kosovës,  Jakup Krasniqi, priti sot në një takim sekretarin e shtetit në Ministrinë Federale të Mbrojtjes të Republikës Federale të Gjermanisë, Thomas Kossendey, i cili ishte i shoqëruar nga gjashtë anëtarë të Bundestagut gjerman, si dhe ambasadori i Gjermanisë në Prishtinë, Hans-Dieter Steinbach dhe gjenerali i  KFOR-it Markus Bentler, ku u bisedua për zhvillime aktuale në Kosovë.

Kryeparlamentari Krasniqi në prononcimin e tij para mediave, tha se në këtë takim u bisedua edhe për strategjinë për veriun, si një dokument i rëndësishëm i Qeverisë së Kosovës dhe i Përfaqësuesit Civil Ndërkombëtar, për shtrirjen e rendit dhe ligjit edhe në atë pjesë të Kosovës.

Krasniqi tha se e ka njoftuar delegacionin gjerman me punën dhe angazhimet e Kuvendit të Kosovës në miratimin e ligjeve, sidomos të atyre që kanë dalë nga Pakoja e Ahtisaarit. Kreu i Kuvendit tha se e ka ngritur edhe çështjen e liberalizimit të vizave për qytetarët e Kosovës, ndërkaq ka folur edhe për pengesat dhe vështirësitë me të cilat përballet Kosova në aspektin e zhvillimit ekonomik, veçanërisht në sferën e punësimit.

“Ne si parlament kemi punuar dhe kemi bërë një infrastrukturë ligjore që garanton investime dhe zhvillim ekonomik në Kosovë”, theksoi kryeparlamentari Krasniqi, duke e falënderuar zyrtarin e lartë të shtetit gjerman për të gjithë mbështetjen politike, ekonomike dhe në sferën e sigurisë, që Gjermania ka dhënë për Kosovën gjatë gjithë këtyre viteve.

Sekretari i shtetit në Ministrinë Federale të Mbrojtjes të Republikës Federale të Gjermanisë, Thomas Kossendey, tha se ndihma gjermane për Kosovën ka qenë e arsyeshme, dhe se Kosova ka bërë bërë mrekullira.

Duke premtuar bashkëpunim të ngushtë ndërmjet parlamenteve të dy vendeve, Kossendey konfirmoi ndihmën e shtetit të tij për Kosovën edhe në të ardhmen. Ai tha se institucionet e Kosovës, përmes Forcës së Sigurisë dhe Policisë, kanë krijuar edhe kushtet që të marrin sa më tepër përgjegjësi në duart e tyre, duke treguar për përparimet që janë bërë ndërkohë.

Kossendey tha se nëse kjo kontribuon që Gjermania dalëngadalë të reduktojë numrin e ushtarëve të saj në Kosovë, nuk do të thotë që përfundon bashkëpunimi me Kosovën.

“Ne do ta krijojmë një tejkalim konstruktiv të përgjegjësive të sigurisë nga forcat tona në tuajat. Kështu që në këtë mënyrë të krijojmë një rrugë tjetër të bashkëpunimit ndërmjet nesh. Dhe vërtet kam një respekt të madh se me çfarë serioziteti i merrni sugjerimet nga raporti zhvillimor i BE-së, dhe çfarë mësimi merrni nga ky raport”, theksoi Thomas Kossendey.

Ai foli edhe për bisedimet rreth riatdhesimit të qytetarëve të Kosovës, duke vlerësuar se ky është një parakusht kryesor që do të përcaktojë rrugën e mëtejshme të liberalizimit të vizave. 
 

Kalendari

Ngjarjet e datës 7 dhjetor 2021 - Zyra e Rregullatorit për Energji organizon konferencën për integrimin e tregut të energjisë elektrike. (Hotel “Swiss Diamond”, ora 9:00)

-  Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjit për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Ndërtesa e Kuvendit, salla N506, ora 10:00)

- Mbahet ceremonia inauguruese e pranim dorëzimit të detyrës së Kryetarit të Prishtinës ku edhe do të bëhet betimi dhe nënshkrimi i deklaratës solemne për marrjen e detyrës së Kryetarit të ri të Komunës së Prishtinës, Përparim Rama si dhe betimi i anëtarëve të ri të Kuvendit të Komunës së Prishtinës. (Salla e Kuvendit të Komunës së Prishtinës, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Lëvizja FOL në partneritet me Misionin e Bashkimit Evropian për Sundimin e Ligjit në Kosovë bën lansimin e Raportit “Pajisjet elektronike: fokusi në parandalimin e rasteve të dhunës në familje”. (Hotel Emerald, ora 10:00)

-  Komisioni për Buxhet, Punë dhe Transfere shqyrton Projektligjit mbi Ndarjet Buxhetore për Buxhetin e Republikës së Kosovës për vitin 2022. (Ndërtesa e Kuvendit, salla C203, ora 10:00)

- Komuna e Rahovecit organizon shënimin e Ditës së Bibliotekës Komunale “Sulejman Krasniqi”. (Salla e Kuvendit të Komunës së Rahovecit, ora 11:00)

- Me rastin e Ditës së Bibliotekës Komunale “Sulejman Krasniqi” udhëheqes të Komunës së Rahovecit vizitojn shkollën e mesme të lartë  "Heronjtë e Kosovës" në Hoçë të Vogel. (Fshati Hoçë, ora 11:00)

- Qendra për Informim, Kritikë dhe Aksion së bashku me disa organizata të tjera feministe organizon aksion simbolik lidhur me aktgjykimin seksist të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare në vitin 2012. (Para Këshillit Gjyqësor të Kosovës, ora 12:00)

- Komisioni për Ekonomi, Industri, Ndërmarrësi dhe Tregti mban dëgjim publik për Pakon e projektligjeve të pronësisë industriale si Projektligji për topografitë e gjysmëpërçuesve; Projektligji për dizajnin industrial, si dhe projektligji për patentat. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton Projektligjin për Odat e Arkitektëve dhe Inxhinierëve në fushën e ndërtimit dhe  planin e performancës për vitin 2022 nga Agjencia për menaxhimin e komplekseve memoriale të Kosovës (Ndërtesa e Kuvendit, salla N302, ora 13:00)