24 Tetor 2021

Gërvalla takon homologen nga Estonia

Prishtinë, 21 shtator - Ministrja e Punëve të Jashtme dhe Diasporës e Republikës së Kosovës, znj. Donika Gërvalla, ka zhvilluar takim me homologen e saj estoneze, ministren Eva-Maria Liimets, në kuadër të takimeve që po zhvillon me kryediplomatë dhe krerë shtetërorë në Nju Jork, në margjina të Asamblesë së Përgjithshme të Kombeve të Bashkuara.

Palët kanë vlerësuar se raportet mes të dy vendeve janë shumë të mira dhe kanë konsideruar që duhet të thellohet bashkëpunimi bilateral përmes konsultimeve politike ndërmjet dy ministrive të jashtme, për të çuar përpara çështje me interes për të dyja vendet.

Gjithashtu kanë folur për çështje rajonale dhe evropiane.

Palët janë pajtuar se për avancimin e agjendës evropiane duhen reforma të thella e posaçërisht në fushën e sundimit të ligjit. Në këtë pikë ministrja Gërvalla ka theksuar se Qeveria e re e Kosovës e ka prioritet kryesor forcimin e rendit dhe ligjit dhe se është duke punuar shumë në këtë drejtim.

Nga ana e saj, ministrja e Punëve të Jashtme e Estonisë ka ritheksuar qëndrim mbështetës të shtetit të saj karshi Kosovës. Sipas saj, Estonia do ta përkrah rrugëtimin e Kosovës drejt BE-së.

 

Kalendari

Ngjarjet e datës 25 Tetor 2021

- Komisioni i Pavarur i Mediave në bashkëpunim me Departamentin e Gazetarisë të UP-së, me rastin fillimit të javës globale për edukimin mbi median dhe informacionin, organizojnë tryezë diskutimi me temën: “Edukimi Medial - Përmbajtjet e papërshtatshme për fëmijë”. (Hotel Sirius, ora 10:00)

- Nën patronatin e Kryeprokurorit të Shtetit, Aleksandër Lumezi do të mbahet “Java për të Drejtat e Viktimave të Krimit”, me moton “Së bashku në mbrojtje të viktimave të krimit”. (Hotelin Emerald, ora 10:00)

- GLPS mban tryezë diskutimit me temë “Meritokracia në shërbimin e jashtëm të Kosovës: një sërë rekomandimesh që duhet marrë parasysh”. (Hotel Swiss Diamond, ora 10:30)

- Punëtorët e Lotarisë së  Kosovës mbajnë protestë në të cilën do të kërkohet miratimi i ligjit për Lotarinë e Kosovës. (Para ndërtesës së Qeverisë, ora 11:00)

- Mbahet konferencë për media lidhur me Festivalin e 12 -të i Filmit të Shkurtër Ballkani Përtej Kufijve. (Kino Armata, ora 12:45)

- Oda e Hotelerisë dhe Turizmit të Kosovës  do të mbajnë tubim për të diskutuar masat e reja. (Golden Imperial, ora 19:00)