07 Maj 2021

Gazetarët në luftë për informimin e saktë dhe luftimin lajmeve të rreme

Otava, 3 maj - Në Ditën Botërore të Lirisë së Shtypit nderojmë punën dhe sakrificën e gazetarëve dhe të gjithë punonjësve të medieve për t’u dhënë zë të tjerëve duke ekspozuar padrejtësitë.

Mediet e lira janë garancë për një demokraci të fortë.

Kosova, pjesërisht e lirë, sipas raporteve ndërkombëtare, ka nevojë për gardian të të drejtave të njeriut, demokracisë dhe zhvillimin e qëndrueshëm.

Gazetarët kanë një barrë mjaft të vështirë para vetes, jo vetëm informimin e drejt të publikut dhe rezistimin ndaj ndikimeve të ndryshme që cenojnë lirinë e tyre në ushtrimin e profesionit, por edhe luftimin e jo profesionalizmit dhe lajmeve të rreme nga keqpërdorues të hapësirës mediale.

Me qëllim të avancimit të lirisë së medias dhe rritjes së nivelit të raportimit e komunikimit profesional, në këtë ditë simbolike nisë punën edhe Instituti për Komunikim të Avancuar – PUBLICO.

Publico, vlerëson rolin thelbësor të gazetarëve të lirë dhe profesionistë në prodhimin dhe shpërndarjen e informacionit ndërsa nënvizon rëndësinë e padiskutueshme të informacionit të verifikuar dhe të besueshëm, nevojën për edukim medial dhe luftën e përbashkët ndaj dezinformimit.

Ngritja e kapaciteteve të gazetarëve dhe rritja e cilësisë së raportimit është e domosdoshme për t’u mundësuar qytetarëve ta njohin të vërtetën dhe për të rritur transparencën e llogaridhënien.

Publico do të angazhohet për pavarësinë mediale, pa të cilën nuk do të mund të sigurohej qeverisja e mirë dhe e drejta e vendimmarrjes.

Ditën Botërore të Lirisë së Shtypit kujtojmë se shumë media dhe reporterët e tyre shpesh pengohen të bëjnë punën e tyre, vetë-censurohen dhe frikësohen në forma të ndryshme nga institucionet dhe grupet e interesit.

Ne u bëjmë thirrje institucioneve të garantojnë sigurinë e medias dhe për të mbrojnë gazetarët në kryerjen e punës së tyre pa frikë. 

Kalendari

Ngjarjet e datës 7 Maj 2021

- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me mbrojtësit e viktimave. (Pallati i Drejtësisë, ora 9:30)

- Lëvizja FOL organizon tryezë diskutimi me ç’rast publikon raportin “Realizimi i Planit të Punës së KPK-së dhe PSh-së për vitin 2020”. (Hotel Sirius, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton Propozim-vendimit e Avokatit të Popullit lidhur me zgjedhjen e 5 zëvendësve të Avokatit të Popullit. (Ndërtesa e Kuvendit, salla N303, ora 10:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit viziton Qendrën për Mbrojtjen e Grave dhe Fëmijëve. (Strehimorja, Ulpianë, ora 10:45)
    
- KDI mban konferencë për medie ku do të shpalosën të gjeturat e hulumtimit mbi transparencën e komunave të Kosovës në prokurim publik, për vitin 2020. (Zyret e KDI-së, ora 11:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me Njësitin Kundër Dhunës në Familje-Policia e Kosovës. (Drejtoria e Përgjithshme e Policisë së Kosovës, ora 11:45)
    
- Ambasadori i BE-së në Kosovë, Tomas Szunyog, do ta ndajë çmimin “Evropiani i Vitit 2021”, i cili jepet për të gjashtën herë radhazi nga BE-ja. (Shtëpia e Evropës, ora 13:00)