01 Gusht 2021

EULEX-i do të vazhdojë bashkëpunimin me ministritë e reja

Prishtinë, 1 mars - Kryetari i Kuvendit të Republikës së Kosovës, dr. Jakup Krasniqi, kishte sot një takim me shefin e EULEX-it, Xavier De Marnhac.

Pasi shprehu falënderimet e tij për pritjen, Xavier De Marnhac e përgëzoi kryekuvendarin Krasniqi për rizgjedhjen në këtë post, duke theksuar se para Legjislaturës së Tretë shtrohen detyra dhe obligime të rëndësishme në fushën e legjislacionit.

Në vijim ai e njoftoi kreun e legjislativit të vendit se EULEX-i do të vazhdojë bashkëpunimin me ministritë e reja nga fushat përkatëse, duke u fokusuar sidomos në sfidat që dalin nga Raporti i Progresit për Kosovën.

Kryekuvendari Krasniqi e falënderoi Xavier De Marnhac për urimet, ndërsa në vijim foli për projektligjet që presin të shqyrtohen e miratohen në Kuvend.

Duke folur për proceset aktuale më vend, kryetari i Kuvendit, Krasniqi, tha se sundimi i ligjit duhet të shtrihet në tërë territorin e vendit, ndërsa politika nuk duhet të ndërhyjë në sistemim e drejtësisë.

Kur është fjala për buxhetin e Kosovës, kryekuvendari Krasniqi theksoi se ai pritet të miratohet nga fundi i marsit ose fillimi i prillit të këtij viti.

Kalendari

Ngjarjet e datës 1 Gusht 2021

- Nën organizimin e Presidentes së Republikës së Kosovës, Vjosa Osmani mbahet ceremonia e dorëzimit të medaljes post-mortem për Beau Biden më ç'rast me një fjalë rasti do t’iu drejtohet Presidentja Osmani, gjithashtu përmes një video-mesazhi edhe Presidenti i Shteteve të Bashkuara të Amerikës, Joe Biden, si dhe me një fjalë rasti ambasadori i Shteteve të Bashkuara në Kosovë Philip S. Kosnett. (Oborri në hyrje të objektit të Kuvendit ora 18:30 - Mediat duhet të jenë të pranishme në Presidencë, ora 17:45)