07 Dhjetor 2021

Ditën e Pavarësisë, Kuvendi do të mbajë seancë solemne

Prishtinë, 8 shkurt - Kryesia e Kuvendit të Republikës së Kosovës bashkë me shefat e grupeve parlamentare, në mbledhjen e sotme të kryesuar nga dr. Jakup Krasniqi, kryetar i Kuvendit, përcaktoi rendin e ditës së seancës së Kuvendit, e cila do të mbahet më 11 shkurt. Në shenjë të Ditës së Pavarësisë së Kosovës, Kuvendi do të mbajë seancë solemne, (në dyvjetorin e saj), më 17 shkurt.

Pas kohës së pyetjeve parlamentare, në seancën e 11 shkurtit do të shqyrtohen për herë të parë pesë projektligje: Projektligji për Administratën Shtetërore të Republikës së Kosovës, Projektligji për Gazetën Zyrtare të Republikës së Kosovës, Projektligji për Këshillin e Pavarur Mbikëqyrës të Kosovës, Projektligji për ekzekutimin e sanksioneve penale dhe Projektligji për mbrojtjen nga rrezatimi jo-jonizues, jonizues dhe siguria nukleare. Ndërsa, në shqyrtim të dytë të kësaj seance do të jenë Projektligji për ndryshimin dhe plotësimin e Ligjit për duhanin 02 L-36, Projektligji për deklarimin, prejardhjen dhe kontrollin e pasurisë së zyrtarëve të lartë publikë dhe Projektligji për turizëm dhe shërbime turistike.

Në vijim Kryesia shqyrtoi edhe disa mocione dhe rekomandime. Në rendin e ditës së seancës do të jetë Rekomandimit i Komisionit për Legjislacion dhe Gjyqësi lidhur me propozim-vendimin e Ministrisë së Drejtësisë për plotësimin e Komisionit për Provimin e Jurisprudencës, propozimi i Gjykatës Supreme të Kosovës për emërimin e anëtarit të Komisionit për Kërkesa Pronësore.

Ndërkaq, Rekomandimi i Komisionit për Ekonomi, Tregti, Industri, Energjetikë Transport dhe Telekomunikacion, për Strategjinë e energjisë për periudhën 2009-2018, do të radhitet në ndonjë seancë të ardhshme të Kuvendit. Sa i përket mocionit të deputetit Riza Smaka për të udhëzuar Qeverinë për ndryshimin dhe plotësimin e Ligjit nr. 03/L-129 për zonat ekonomike, u tha se për këtë kërkohet mendimi i Qeverisë.

Kryesia u njoftua edhe me Rekomandimin e Komisionit për Administratë Publike, Pushtet Lokal dhe Media lidhur me moszbatimin e vendimeve të Këshillit të Pavarur Mbikëqyrës të Kosovës. Ky rekomandim, u tha se duhet t’ i dërgohet Qeverisë. Në mbledhje u konstatua se një anëtari të Komisionit të Konkurrencës dhe një të atij të Rregullatorit të Energjisë u ka skaduar mandati, ndaj Qeveria duhet të bëjë propozimet për anëtarë të rinj.

Kryesia u njoftua edhe me vendimin e presidentit të Republikës së Kosovës për zëvendësimin e tre deputetëve të Kuvendit të Republikës së Kosovës, si dhe me njoftimin për formimin e grupit të ri parlamentar “ Për Integrime”.

Ndërsa sa i përket , kërkesës së grupit të ri parlamentar “ Për Integrime”, për përfaqësim në Kryesinë e Kuvendit, u theksua se për këtë veprohet sipas dispozitave kushtetuese, ndërkaq, sa i përket përfaqësimit të këtij grupi parlamentar në komisionet parlamentare, me këtë merret administrata në bashkëpunim me grupet parlamentare.

Kalendari

Ngjarjet e datës 7 dhjetor 2021 - Zyra e Rregullatorit për Energji organizon konferencën për integrimin e tregut të energjisë elektrike. (Hotel “Swiss Diamond”, ora 9:00)

-  Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjit për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Ndërtesa e Kuvendit, salla N506, ora 10:00)

- Mbahet ceremonia inauguruese e pranim dorëzimit të detyrës së Kryetarit të Prishtinës ku edhe do të bëhet betimi dhe nënshkrimi i deklaratës solemne për marrjen e detyrës së Kryetarit të ri të Komunës së Prishtinës, Përparim Rama si dhe betimi i anëtarëve të ri të Kuvendit të Komunës së Prishtinës. (Salla e Kuvendit të Komunës së Prishtinës, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Lëvizja FOL në partneritet me Misionin e Bashkimit Evropian për Sundimin e Ligjit në Kosovë bën lansimin e Raportit “Pajisjet elektronike: fokusi në parandalimin e rasteve të dhunës në familje”. (Hotel Emerald, ora 10:00)

-  Komisioni për Buxhet, Punë dhe Transfere shqyrton Projektligjit mbi Ndarjet Buxhetore për Buxhetin e Republikës së Kosovës për vitin 2022. (Ndërtesa e Kuvendit, salla C203, ora 10:00)

- Komuna e Rahovecit organizon shënimin e Ditës së Bibliotekës Komunale “Sulejman Krasniqi”. (Salla e Kuvendit të Komunës së Rahovecit, ora 11:00)

- Me rastin e Ditës së Bibliotekës Komunale “Sulejman Krasniqi” udhëheqes të Komunës së Rahovecit vizitojn shkollën e mesme të lartë  "Heronjtë e Kosovës" në Hoçë të Vogel. (Fshati Hoçë, ora 11:00)

- Qendra për Informim, Kritikë dhe Aksion së bashku me disa organizata të tjera feministe organizon aksion simbolik lidhur me aktgjykimin seksist të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare në vitin 2012. (Para Këshillit Gjyqësor të Kosovës, ora 12:00)

- Komisioni për Ekonomi, Industri, Ndërmarrësi dhe Tregti mban dëgjim publik për Pakon e projektligjeve të pronësisë industriale si Projektligji për topografitë e gjysmëpërçuesve; Projektligji për dizajnin industrial, si dhe projektligji për patentat. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton Projektligjin për Odat e Arkitektëve dhe Inxhinierëve në fushën e ndërtimit dhe  planin e performancës për vitin 2022 nga Agjencia për menaxhimin e komplekseve memoriale të Kosovës (Ndërtesa e Kuvendit, salla N302, ora 13:00)