03 Gusht 2021

Çitaku: Procesi i integrimit kërkon shumë punë

Prishtinë, 3 mars - Ministrja Çitaku, nga takimet që ka realizuar sot, ka thënë se procesi i integrimit është një proces i gjatë dhe me sfida të mëdha i cili kërkon angazhim dhe koordinim me të gjitha palët sepse kjo nuk është vetëm sfidë për Kosovën por edhe për Brukselin.

Ndër takimet e para ishte takimi me shefin e misionit Sllovak në Kosovë, Henrik Markus, me te cilin u bisedua rreth bashkëpunimit të ndërsjellë në të gjitha sferat pasi që Sllovakia ka një qëndrim të qartë të mbështetjes së integrimit të Ballkanit Perëndimor në Bashkimin Europian.

\"Edhe përkundër vendimit për statusin e Kosovës, qëndrimi i Sllovakisë është i vendosur për paqe dhe stabilitet të gjithë rajonit dhe për një ardhme të sigurtë Euroatlantike.

“Këtë konfirmim e kam pranuar edhe në Bratislavë gjatë takimit të ministrave të Punëve të Jashtme të Grupit të Vishegradit”, tha Ministrja Çitaku.

Ministrja Çitaku realizoi një drekë pune me përfaqësuesin e Fondit Monetarë Ndërkombëtarë në Kosovë, Jose Sulemane, për t’u informuar rreth zhvillimeve dhe prioriteteve të dy institucioneve në rrafshin ekonomik dhe financiar.

Nga takimi i radhës me Ambasadorin Italian, Michael Louis Giffoni u theksua rëndësia e bashkëpunimit dhe koordinimit të aktiviteteve pasiqë ky është një proces i përbashkët.

Ambasadori Giffoni ka siguruar Ministren Çitaku për mbështetjen e vazhdueshme, në të gjitha sferat, të Kosovës drejt integrimit në Bashkimit Europian. Ka shumë punë për të bërë dhe se kontributi nga të gjitha palët është i mirëseardhur.

 

Kalendari

Ngjarjet e datës 3 Gusht 2021

- Kuvendi i Republikës së Kosovës vazhdon seancën plenare në të cilën mbahet debat parlamentar lidhur me punën njëqind ditore të Qeverisë së Republikës së Kosovës. (Kuvendi i Kosovës, ora 10:00)

- Ministria e Kulturës, Rinisë dhe Sportit dhe Zyra e UNICEF-it në Kosovë shënojnë hapjen e Muajit të Rinisë me mundësi të punës praktike për 900 të rinj. (Parku i Gërmisë tek fusha e basketbollit, pranë Qendrës Rekreative, ora 10:00)

-  Komisioni për Mbikëqyrjen e Financave Publike shqyrton raportin e auditimit për pasqyrat financiare vjetore të Kompanisë “Telekomi i Kosovës” me të ftuar Kryeshefin ekzekutiv dhe Kryesuesin e Bordit. (Ndërtesa e Kuvendit, salla N506, ora 10:00)

- ATRC në bashkepunim me CSGD organizojnë tryezën e diksutimit në të cilën do të shpalosen rezultatet e raportit të “Hate O Meter” i cili është hulumtim mbi Gjuhën e Urrejtjes në Mediat Kosovare . (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 11:00)

- Kryetari i PDK-së Dega në Prizren, Shaqir Totaj mban konferencën e radhës për media. (Sheshi Shatërvan, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 14:00)