Prishtinë, 5 prill - Në vazhdën e takimeve me ambasadorët e akredituar në Kosovë, Ministrja Çitaku sot ka takuar Ambasadorin e Republikës Kroacisë,  Zoran Vodopija si dhe ambasadorin e Republikës Çeke në Kosovë, Jiri Dolezel me të cilët diskutuan për prioritetet dhe për koordinimin e aktiviteteve nga te dy anët.

Nga të dy ambasadorët u konfirmua mbështetja që do ti jepet Kosovës, dhe Ministrisë së Integrimeve Europiane, në rrugën drejtë plotësimit të gjitha standardeve të nevojshme për integrim në Bashkimin Europian.

Nga ambasadorët po ashtu u çmua përzgjedhja e ministres Çitaku në pozitën e Ministres së Integrimit Europian duke pas parasysh përvojën profesionale dhe angazhimin e treguar gjatë një periudhe të rëndësisë së veçantë për Kosovën.

Gjithashtu, nga ambasadorët u tha se ka shumë punë për te bërë dhe se duhet një mobilizim gjithëpërfshirës shoqëror ne mënyrë që Kosova të avancoj më shpejtësi të duhur drejt integrimit në BE. 

Ministrja Çitaku edhe një herë e konfirmoi përkushtimin e sajë dhe te institucioneve të Kosovës për marrjen e të gjitha hapave të nevojshëm për një reformë të thellë politike, ekonomike dhe shoqërore.