04 Gusht 2021

Ambasadorja Sherifi dorëzon letrat kredenciale Presidentit të Hungarisë

Budapest, 17 mars - Në një ceremoni formale në Pallatin Sándor, Ambasadorja e Republikës së Kosovës në Budapest, Shkëlqësia e saj Znj. Shkëndije Geci Sherifi i dorëzoi letrat kredenciale Presidentit të Republikës së Hungarisë, Shkelqësisë së tij.László Sólyom.

Ambasadorja Geci Sherifi, falënderoi Presidentin Sólyom për mbështetjen e vazhdueshme dhënë Kosovës.

Presidenti Sólyom shprehu mbështetjen e fortë të shtetit hungarez për Kosovën dhe nënvizoi se mendimi i GJND-së nuk do të ketë ndikim në qasjen përkrahëse të Hungarisë ndaj Kosovës.

Për më tepër, Presidenti Sólyom theksoi se marrëdhëniet e dy vendeve do të intensifikohen edhe më shumë tanimë që Kosova ka hapur përfaqësinë e saj diplomatike në Budapest.

Ambasadorja Geci Sherifi e informoi Presidentin Sólyom për progresin e arritur në Kosovë në sfera të ndryshme, zgjedhjet e fundit lokale dhe pjesëmarrjen e komunitetit serb në to si një indikator pozitiv drejt integrimit.

Ambasadorja Geci Sherifi nënvizoi përkushtimin e Republikës së Kosovës për t’u anëtarësuar sa më shpejt në strukturat euro-atlantike dhe vuri në pah faktin se Hungaria shihet si shembull pozitiv i procesit të integrimit evropian ku Kosova mirëpret ekspertizën e saj në këtë proces. 

Kalendari

Ngjarjet e datës 4 Gusht 2021 - Komisioni për Ekonomi, Industri, Ndërmarrësi dhe Tregti shqyrton propozim - vendimin e Qeverisë, për emërimin e Bordit të Agjencisë Kosovare të Privatizimit. (Ndërtesa e Kuvendit, salla N10, ora 9:30)

- Komisioni për Buxhet, Punë dhe Transfere shqyrton Projektligjin për ratifikimin e Amendamentit  të Marrëveshjes të lidhur ndërmjet Qeverisë së Republikës së Kosovës dhe Qeverisë Hungareze në lidhje me Programin Kornizë për bashkëpunim financiar. (Ndërtesa e Kuvendit, salla C203, ora 10:00)

- Komisioni për Ekonomi, Industri, Ndërmarrësi dhe Tregti shqyrton nismën legjislative “Projektligji për kriptovaluta”. (Ndërtesa e Kuvendit, salla N506, ora 13:00)

- Komisioni Qendror i Zgjedhjeve mban mbledhjen e radhës në të cilen do të shqyrtohet dhe miratohen rekomandimet për certifikim të subjekteve politike. (Selia e KQZ-së, ora 13:30)

- Aleanca Kosovare e Bizneseve organizon hapjen solemne të Resortit të vetëm në Kosovë "Kështjella Dardanicum" me tradite te vjeter te modelit te shqiptareve te lashte ku paraqet kulturën dhe traditen tone kombetare dhe ky investim eshte bere nga bashkeatdhetaret tane nga Britania e Madhe qe kap vleren rreth 4 milion euro. (Fshatin Kukaj, ora 18:00)

- Mbahet ceremonia inaguruese e Qendrës së parë për Arsim në Distanë. (Rr. "Rexhep Mala" nr. 49, Prishtinë, përballë ICK -së, ora 18:30)