23 Tetor 2021

Ambasadorja Benedejqiq rikonfirmoi mbështetjen e Sllovenisë karshi Kosovës

Prishtinë, 18 shtatror - Ministrja e Punëve të Jashtme dhe Diasporës e Republikës së Kosovës, znj. Donika Gërvalla, priti në takim ambasadoren e re rezidente të Republikës së Sllovenisë në Kosovë, znj. Minca Benedejqiq, të cilën e uroi për detyrën e re.

Gërvalla gjithashtu shprehu mirënjohjen e qeverisë dhe popullit të Kosovës për përkrahjen e vazhdueshme të Sllovenisë.

Së bashku diskutuan për marrëveshjet e shumta dypalëshe dhe vlerësuan se ky bashkëpunim mund të thellohet edhe më tepër, sidomos në fushën e ekonomisë, me qëllim të krijimit të vendeve të reja të punës, posaçërisht për të rinjtë dhe gratë.

Ministrja Gërvalla dhe ambasadorja Benedejqiq diskutuan edhe për bashkëpunimin rajonal, zhvillimet aktuale si dhe prioritetet e politikës së jashtme.

Duke qenë se Sllovenia ka kryesimin e radhës të Presidencës së Këshillit të BE-së, ministrja Gërvalla kërkoi mbështetje lidhur me procesin e integrimit të Kosovës në BE.

Nga ana e saj, ambasadorja Benedejqiq rikonfirmoi mbështetjen e Sllovenisë karshi Kosovës dhe rrugëtimit të saj drejt BE-së.
 

Kalendari

Ngjarjet e datës 23 Tetor 2021 - Shoqata për Teknologji të Informacionit dhe Komunikimit të Kosovës - STIKK organizon diten e dytë të edicionit te 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 11:00)

- Shfaqet video programi "Pranverë e përhershme, behar i vonuar" nga Protocinema në bashkëpunim me Fondacionin Lumbardhi. (Kino Lumbardhi, ora 12:00)

- Kryetari i Komunës së Prizrenit, Mytaher Haskuka, së bashku me ministrin e Ministrisë së Kulturës, Rinisë dhe Sportit, Hajrulla Çeku do të vizitojnë Kinemanë e parë të Prizrenit, ku ka filluar projekti i restaurimit të kësaj ndërtese. (Objekti i kinemasë së vjetër të Prizrenit në afërsi të zyreve të shoqatës Esnaf, ora 12:00)

- Mbahet dita e dytë e edicionit te tretë te festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 15:00)