05 Dhjetor 2021

Ambasadori Lulzim Peci dorëzoi letrat kredenciale mbretit të Suedisë

Stokholm, 5 shkurt - Ambasadori i Republikës së Kosovës në Suedi, Lulzim Peci, u prit sot në audiencë tek Shkëlqesia e Tij Mbreti i Suedisë Carl Gustaf XVI dhe me atë rast dorëzoi letrat kredenciale.

Lulëzim Peci është ambasadori i parë i Republikës së Kosovës në Suedi. Me profesion është inxhinier dhe ka magjistruar në relacionet ndërkombëtare. Një kohë ka punuar si lektor universiteti në Prizren në fushën e politikës së sigurisë politike kombëtare dhe ndërkombëtare. Lulzim Peci njihet edhe si themelues i dy organizatave joqeveritare, Institutin e Kosovës për Hulumtime dhe Zhvillim dhe Fondacionin e Shoqërisë Civile.

Hapja e ambasadës së Kosovës në Stokholm dhe vendimi i Suedisë për ta ngritë përfaqësinë e saj diplomatike në nivel ambasade në Prishtinë shënojnë një fazë të re të zhvillimit bilateral ndërmjet dy vendve.

Më 4 mars 2008, qeveria suedeze mori vendim që ta njohë Republikën e Kosovës si shtet të pavarur. Deri tani Kosovën e kanë njohur 65 shtete të botës.

Tradicionalisht ambasadorët e ri barten nga Departamenti i Punëve të Jashtme deri te Kështjella Mbretërore.

Kalendari

Ngjarjet e datës 5 dhjetor 2021

- Ministria e Kulturës, Rinisë dhe Sportit dhe Zyra e UNICEF-it shënojnë Ditën Ndërkombëtare të Vullnetarizmit me moton “Volunteer Now For Our Common Future”. (Galeria Kombëtare të Kosovës, ora 11:30)

- Qendra për Art dhe Komunitet Artpolis organizon protestën me moton “Boll Ma - Asnjë grua e vajzë më pak, asnjë vdekje më shumë”, kundër dhunës dhe vrasjeve të vajzave dhe grave, dhe mungesës së përgjigjes së duhur institucionale. (Plateja e sheshit “Zahir Pajaziti”, ora 12:00)