03 Gusht 2021

Ambasadori francez vizitoi Mitrovicën

Mitrovicë, 25 shkurt - Kryetari i Komunës së Mitrovicës, Avni Kastrati, ka pritur në takim ambasadorin e Francës në Kosovë, Jean Fraçois Fitou, me të cilin ka biseduar për mundësitë e bashkëpunimit të kësaj komune me komunat franceze.

Fillimisht ai e ka falënderuar ambasadorin për mbështetjen dhe kontributin e ushtarëve francez në kuadër të KFOR-it.

Kryetari Kastrati e ka njoftuar ambasadorin francez për situatën e sigurisë, duke përmend mungesën e rendit dhe ligjit në veri, mandej mungesën e lirisë së lëvizjes etj.

Ai tha se kjo gjendje është duke krijuar probleme të mëdha për qytetarët që janë të zhvendosur nga veriu, të cilët duhet të paguajnë qira për banim në jug të Mitrovicës apo nëpër qytetet tjera.
 
Ndërsa duke biseduar gjendjen ekonomike, dy bashkëbiseduesit e vlerësuan rëndësinë e bashkëpunimit të Komunës së Mitrovicës me komunat e shteteve të tjera që mund të rezultojë me mbështetje për projekte të ndryshme zhvillimore.

Në këtë kontekst u përmend si shembull i mirë bashkëpunimi që ka nisur ndërmjet Mitrovicës dhe Komunës së Angoulemes në Francë.

Kryetari Kastrati, e njoftoi ambasadorin për vizitën që ka zhvilluar në këtë komunë franceze ditë më parë, ku është pos të tjerëve është takuar edhe me kryetarin e  Angoulemes, Filip Lavaud, me të cilin kanë  shqyrtuar mundësitë për binjakëzim me Mitrovicën në mënyrë që të vihen baza të përhershme bashkëpunimi.

“Ka qenë një vizitë mjaft e frytshme dhe jemi në rrugë të mirë që të nisim një bashkëpunim të frytshëm që është me rëndësi për të dy komunat”.

Ai përmendi si projekte konkrete shqyrtimin e mundësisë që në Mitrovicë të përdoren përvojat e Angoulemes sa i përket trajtimit të ujërave të zeza, mandej për bashkëpunim në fushën e kulturës, sportit etj.

Në anën tjetër, ambasadori francez, ka theksuar se mundësitë që ekzistojnë duhet të shfrytëzohen në të mirë të qytetarëve të të dyja komunave.

Duke u fokusuar në aspektin kulturor, ai ka cekur edhe idenë që në Mitrovicë të ndihmohen nxënësit dhe të rinjtë për mësimin e gjuhës franceze me projekte të ndryshme.

 

Kalendari

Ngjarjet e datës 3 Gusht 2021

- Kuvendi i Republikës së Kosovës vazhdon seancën plenare në të cilën mbahet debat parlamentar lidhur me punën njëqind ditore të Qeverisë së Republikës së Kosovës. (Kuvendi i Kosovës, ora 10:00)

- Ministria e Kulturës, Rinisë dhe Sportit dhe Zyra e UNICEF-it në Kosovë shënojnë hapjen e Muajit të Rinisë me mundësi të punës praktike për 900 të rinj. (Parku i Gërmisë tek fusha e basketbollit, pranë Qendrës Rekreative, ora 10:00)

-  Komisioni për Mbikëqyrjen e Financave Publike shqyrton raportin e auditimit për pasqyrat financiare vjetore të Kompanisë “Telekomi i Kosovës” me të ftuar Kryeshefin ekzekutiv dhe Kryesuesin e Bordit. (Ndërtesa e Kuvendit, salla N506, ora 10:00)

- ATRC në bashkepunim me CSGD organizojnë tryezën e diksutimit në të cilën do të shpalosen rezultatet e raportit të “Hate O Meter” i cili është hulumtim mbi Gjuhën e Urrejtjes në Mediat Kosovare . (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 11:00)

- Kryetari i PDK-së Dega në Prizren, Shaqir Totaj mban konferencën e radhës për media. (Sheshi Shatërvan, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 14:00)