09 Dhjetor 2022

Ambasada Amerikane i ndan mirënjohje nënkryetares Morina Bunjaku

Gjilan, 18 nëntor - Nënkryetarja e Komunës së Gjilanit, Leonora Morina-Bunjaku, është nderuar me mirënjohje nga ambasadori amerikan në Kosovë, Jeffrey M. Hovenier, pas pjesëmarrjes në Samitin për Demokraci (Programi ndërkombëtar për lidership) në Shtetet e Bashkuara të Amerikës.

Me këtë rast, nënkryetarja Morina Bunjaku e ka falënderuar ambasadorin Hovenier, Ambasadën Amerikane, USAID-in për nominimin, aranzhimin e Programit të IVLP- Summmit for Democracy dhe pritjen pas kthimit nga Shtetet e Bashkuara të Amerikës.

“Të nominuarit për pjesëmarrje në IVLP Summit for Democracy, si Nënkryetare e Komunës së Gjilanit në mesin e tetë pjesëmarrësve nga shtete të ndryshme ishte një përvojë e jashtëzakonshme. Duke na dhënë mundësinë për të ndarë përvojën tonë me profesionistë të shquar të fushave të ndryshme si pjesëmarrës dhe homologët amerikanë, aktivitete që kemi ndjekur, gjëra të reja që kemi parë dhe mësuar në tre vendet më të bukura dhe më të zhvilluara si Washington DC, Kalamazoo dhe Los Angeles në SHBA!”, ka thënë nënkryetarja Morina Bunjaku.

Ajo ka theksuar se gjatë kësaj periudhe kohore patën mundësi për të fituar njohuri, ide, mjete dhe praktika të reja për të ndihmuar avancimin e praktikave demokratike, luftimin e korrupsionit dhe mbrojtjen e të

drejtave të njeriut. Lehtësimi i zhvillimit të Planeve të Veprimit, angazhimeve për reforma, angazhimi i qytetarëve në aktivitetet vullnetare.

“Prandaj edhe si rezultat i përvojave të shumta, ne si komunë kemi përzgjedhur si temë të planit të veprimit mes shumë sfidave dhe mundësive, temën” Qytetarët aktiv në proceset vendimmarrëse”. Ne e vlerësojmë shumë dhe shpresojmë që bashkëpunimi ynë të mos jetë një destinacion, por një udhëtim i gjatë e i frytshëm në vazhdimësi’, ka thënë nënkryetarja e Komunës së Gjilanit, Leonora Morina Bunjaku. â€‹

 

Kalendari

Ngjarjet e datës 9 dhjetor 2022 - Kryeministri i Republikës së Kosovës, Albin Kurti, presidentja Vjosa Osmani-Sadriu dhe kryetari i Kuvendit, Glauk Konjufca, marrin pjesë në dëgjimin publik për Projektligjin për Liritë Fetare. (Ndërtesa e Qeverisë, ora 9:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Raportit për Projektligjin Agjencinë Kosovare për Krahasim dhe Verifikim të Pronës, Projektligjin për Bujqësi dhe Zhvillim Rural, etj. (Ndërtesa e Kuvendit, salla N302, ora 9:30)

- Komisioni për të Drejtat dhe Interesat e Komuniteteve dhe Kthim shqyrton Projektligjin për parandalimin dhe kontrollin e integruar të ndotjes, me raport amendamente të Komisionit funksional për Mjedis, Ushqim, Bujqësi, Planifikim dhe Zhvillim, etj. (Ndërtesa e Kuvendit, salla N10, ora 9:45)

- Instituti i Kosovës për Drejtësi organizon konferencë për media, ku do të publikohet raporti me titull “Qeverisja me duar të pastërta”, raport ky mbi deputetët, ministrat dhe kryetarët e komunave, të cilët kanë probleme me ligjin. (Hotel Sirius, ora 10:00)

- Gjykata Kushtetuese organizon “Ditën e Gjykatës së Hapur” në shënim e Ditës Ndërkombëtare të të Drejtave të Njeriut. (Gjykata Kushtetuese, ora 10:00)

- Për të shënuar 9 dhjetorin, Ditën Ndërkombëtare kundër Korrupsionit, Koalicioni i Organizatave të Shoqërisë Civile dhe Mediave, do të mbajnë një konferencë me temën “Fuqizimi i Kapaciteteve të Shoqërisë Civile për luftimin e korrupsionit”. (Hotel Sirius, ora 10:00)

- Kuvendi i Republikës së Kosovës vazhdon seancën plenare. (Kuvendi i Kosovës, ora 10:00)

- Ministrja e Drejtësisë, Albulena Haxhiu bashkëbisedon me studentët e Kolegjit AAB për temën mbi dhunën në bazë gjinore. (Kolegji AAB, ora 10:30)

- Rreth 60 punëtor teknik dhe ata te sigurimit fizik qe punojnë në Qendrat e Mjekësisë Familjare disa shkolla te Prishtinës  do te protestojnë me kërkesën për rritje të pagave. (Para komunës se Prishtinës, ora 11:00)

- Këshilli Rinor Kosovar organizon Kuvendin Zgjedhor të Këshillit të Nxënësve të Kosovës në nivel vendi. (Amfiteatri i Ministrisë së Drejtësisë, ora 13:00)

- Instituti i Kosovës për Drejtësi organizon aktivitet me studentët e Klinikës Ligjore të IKD– së, ku do të bëhet prezantimi i shpalljes së simuluar të një aktgjykimi të një rasti të korrupsionit. (Sheshi Skënderbeu në Prishtinë, ora 13:30)

- Lidhja Demokratike e Kosovës mban konferencë për medie. (Selia qendrore e LDK-së, ora 13:30)

- Ministrja e Drejtësisë, Albulena Haxhiu merr pjesë në një tryezë me gratë në Komunën e Mitrovicës. (Restaurantin "Va Piano", ora 15:00)

- Me rastin e 5 vjetorit të ndarjes nga jeta të artistit, Blerim Peci, Komuna e Mitrovicës, në bashkëpunim me artistë, familjarë e miq të ish të ndjerit organizojnë takimin përkujtimor për të ndarë së bashku kujtime të bukura e të pashlyeshme për të. (Qendra e Kulturës "Rexhep Mitrovica", ora 17:00)

- Ministrja e Drejtësisë, Albulena Haxhiu merr pjesë në shfaqjen e filmit "Zgjoi". (Kino Armata, ora 17:00)