06 Gusht 2021

AI, kërkon drejtësi për vrasjen e Balajt dhe Xheladinit

Prishtinë, 10 shkurt - Amnesty International i bën thirrje përfaqësuesit të posaçëm të Kombeve të Bashkuara në Kosovë që të sigurojë qasjen tek drejtësia lidhur me vrasjen e dy personave dhe plagosjen e dy të tjerëve gjatë një demonstrate të lëvizjes Vetëvendosje, tre vjet më parë.

Amnesty International shpreh shqetësimin e thellë që Përfaqësuesi i posaçëm i OKB-së dhe Zyra Ligjore e UNMIK-ut kanë penguar vazhdimisht kompensimin e familjeve dhe vendosjen e drejtësisë në vend për vrasjen e Mon Balajt dhe Arbën Xheladinit, dhe plagosjen e Zenel Zenelit dhe Mustafë Nerjovajt. Ata thonë se ankesat lidhur me këtë çështje duhet të dëgjohen nga Komisioni Këshillimor për të Drejtat e Njeriut.

Ngjarja ndodhi gjatë një demonstrate kundër planit Ahtisaari për statusin e Kosovës në Prishtinë. Megjithëse protesta ishte paqësore policia e UNMIKU-it përdori gaz lotsjellës për të shpërndarë njerëzit.

Anëtarë të një njësie policore rumune goditën drejt turmës me plumba plastikë duke shkaktuar vdekjen e Mon Balajt dhe Arbën Xheladinit, si edhe plagosjen e Zenel Zenelit dje Mustafë Nerjovajt.

Deri tani asnjë masë penale nuk është marrë ndaj autorëve. Amnesty thotë vlerëson kompensimin monetar për këtë ngjarje, por thotë se kjo nuk është e mjaftueshme dhe se çuarja në vend e drejtësisë është e domosdoshme.

Kalendari

Ngjarjet e datës 6 Gusht 2021

 - Mbahet mbledhja e Komisionit për Shëndetësi dhe Mirëqenie Sociale në të cilën do të diskutohet procesi i monitorimit të Ligjeve. (Ndërtesa e Kuvendit, salla N10, ora 9:00)

- Nënshkuhet Memorandumi me Ambasadën e Norvegjisë “Mbështetje për Kuvendin e Republikës së Kosovës, kryetarin e Kuvendit dhe kabinetin e tij, komisionet dhe grupet parlamentare, nën kornizën ‘Fuqizimi i paqes dhe shtetndërtimit dhe avancimi i agjendës evropiane për Kosovën’. (Kabineti i kryetarit të Kuvendit, ora 10:40)  

- Kuvendi i Republikës së Kosovës vazhdon seancën plenare. (Kuvendi i Kosovës, ora 11:00)

- Mbahet konferencë për medie lidhur me koncertin e Ramë Lahajt. (Hotel “Opera” në Prishtinë, ora 14:30)